6 aydan sonra müharibə yeni dövrə qədəm qoyub. Ukrayna cənubda əks hücuma keçdi. Krımın açarı uğrunda toqquşmalar tam sürətlə davam edərkən, hər iki tərəfin itkiləri ilə bağlı diqqətçəkən açıqlama gəlib.
Ukrayna müharibəsindən son dəqiqələr...
Fevralın 24-ü səhər saatlarında Rusiya prezidenti Vladimir Putinin göstərişi ilə başlayan müharibə can almaqda davam edir.
Müharibənin ilk günündən ölkənin paytaxtı Kiyevi əsas hədəf seçən rus ordusu həftələrlə mühasirə və ardıcıl hücum cəhdlərindən sonra bölgədən geri çəkilərək istiqamətini ölkənin şərqinə çevirib.
Bu çərçivədə Rusiya bu bölgənin bir çox şəhərini hədəfə alaraq “Donbasdakı son qala” olaraq da bilinən Lisiçanskın nəzarətini təmin edib.
Bu xırda qalibiyyətdən sonra Donetsk bölgəsində qarşıdurmaların şiddətlənməsi ilə bazar ertəsi günündən etibarən müharibə yeni mərhələyə qədəm qoyub.
Ukrayna qoşunları Xerson istiqamətində əks hücuma keçib. Hər iki tərəfdən ziddiyyətli açıqlamalar gəlsə də, regiondakı son vəziyyəti dünya gündəmi olaraq qalmağa davam edir.
"Mən eşitmişəm ki, 1000 ukraynalı və 1500 rus öldürülüb", - bu fikirləri Yunanıstanın Xersondakı fəxri konsulu Pantelis Boubouras bölgədəki münaqişə haqqında Əl-Cəzirə telekanalına deyib.
Rusiya Müdafiə Nazirliyi isə Xerson vilayətində Kryvyi Rohun geri alınması cəhdi zamanı 1200 ukraynalı əsgərin öldüyünü açıqlayıb və ərazi itkisi olmadığını iddia edib.
HERSONDAN SONRA HƏDƏF KRIM
Ukrayna prezidenti Vladimir Zelenski Xerson istiqamətində başlayan hücumdan bir neçə saat sonra Krımı geri alacağına söz verib.
Xersonun geri alınması digər işğal olunmuş şəhərlərə də ümidi artıracaq. Bundan başqa, şəhəri alaraq Zelenskinin göstərdiyi Krım yolunu da açacaq.
Bu səbəbdən Xerson həm də “Krımın açarı” kimi qələmə verilir. Ukrayna bu bölgəni tez bir zamanda geri almaq və Krıma yol açmaq üçün mübarizə aparır.
Bir məqamı da xüsusi ilə qeyd edək ki, hərbi ekspertlər qış aylarında irəliləyişin çətinləşəcəyini şərh edirlər.
Elsevər Məmmədov
Araşdırmaçı jurnalist