Sentyabrın 1-dən su obyektlərindən xüsusi istifadə ilə bağlı yeni ödənişlər tətbiq olunacaq.
EDnews xəbər verir ki, sənaye məqsədilə müxtəlif su mənbələrindən götürülən suya görə tariflər müəyyənləşdirilib.
Yeni qaydalara əsasən, sənaye məqsədilə Xəzər dənizindən götürülən hər 100 kubmetr suya görə 0,4 manat, çay və göllərdən götürülən hər 100 kubmetr suya görə 4 manat, yeraltı sulardan götürülən hər 100 kubmetr suya görə isə 40 manat ödəniş nəzərdə tutulur.
Bundan başqa, tullantı sularının su obyektlərinə axıdılması da ödənişli olacaq. Belə ki, Xəzər dənizinə axıdılan hər 100 kubmetr tullantı suyu üçün 1 manat, çay və göllərə axıdılan hər 100 kubmetr tullantı suyu üçün isə 4 manat ödəniş müəyyən edilib.
Qeyd edək ki, yeni tariflərin tətbiqi su ehtiyatlarından səmərəli istifadəni və su obyektlərinin mühafizəsini təşviq etmək məqsədi daşıyır.
