Sudanda davam edən müharibə uşaqların həyatını hər keçən gün daha dözülməz edir.  

Ednews BBC-ə istinadən xəbər verir ki, UNICEF və Sudanın yerli xeyriyyə təşkilatlarının bildirdiyinə görə son iki ayda 70-dən çox uşaq aclıq və xəstəlikdən dünyasını dəyişib. Ölkədə davam edən müharibə nəticəsində zərər çəkmiş azyaşlılar paytaxt Darfurdakı uşaq evindən təxliyə edilib.

UNICEF rəsmisi Rikardo Peres bildirib ki, Xartumdakı Maiqoma uşaq evində olan 300-ə yaxın azyaşlı daha ​​təhlükəsiz yerə köçürülüb.

Sudanda uşaqların təhlükəsizliyinə Sosial İnkişaf və Səhiyyə nazirlikləri nəzarət edir. UNICEF isə uşaqları qida, oyuncaqlarla təmin edir, təhsil və tibb xidmətlərini əhatə edən humanitar yardım göstərir.

Maiqomadan yeni ünvana köçürülən uşaqlar burada tibbi müayinədən keçirilib, bəziləri xəstəxanaya yerləşdirilib.  Müharibə başlayandan bəri Maiqomada ən az 71 uşağın öldüyü bildirilir. Rəsmi məlumata görə ölənlər arasında 3 aylıq körpələr də var.

Kəskin hipoqlikemiya xəstəliyi (qanda şəkərin normadan az olması) uşaq ölümlərinin səbəbləri arasında kimi ən çox yayılanıdır. Qızdırma, su və qida çatışmazlığı da ölüm səbəbləri arasında göstərilir.

Törə Zeynal