Altı aydan çox davam edən Rusiya-Ukrayna müharibəsinin iqtisadi nəticələri bütün dünyaya təsir edir.
Ednews xarici mediaya istinadən xəbər verir ki, Almaniyada Rusiyadan idxal olunan qazdan asılılığı azaltmaq və enerjiyə qənaət etmək məqsədi ilə yerli vaxtla saat 22.00-dan etibarən ictimai binaların, abidələrin və lövhələrin işıqları söndürülüb.
Bundan əlavə xəstəxanalardan başqa ictimai binalar 19 dərəcədən yuxarı qızdırlmayacaq, ağır fiziki iş görülən ərazilər isə 19 dərəcədən daha soyuq ola bilər.
Qeyd edək ki, Qərbin sanksiyaları və Rusiyanın cavab tədbirləri nəticəsində, xüsusilə enerji sektorunda qiymət artımları dünya miqyasında böhrana çevrildi. Bu böhrandan ən çox enerji baxımından Rusiyadan asılı olan Avropa ölkələri zərər çəkdi.
Günay Babayeva