Azərbaycan hökumətinin həyata keçirdiyi anti-inflyasiya tədbirləri qiymət artımının tədricən yavaşlamasına imkan verib. Bunu Milli Məclisin bu gün keçirilən plenar iclasında iqtisadiyyat naziri Mikayıl Cabbarov bildirib. "Paralel olaraq qlobal ərzaq bazarlarında qiymətlərin azalmağa, ticarət tərəfdaşımız olan ölkələrdə inflyasiyanın səngiməyə başlaması ilə 2023-cü ilin 9 ayında illik inflyasiya 10,9 % təşkil edib", - deyə o qeyd edib.
Mövzu ilə bağlı Ednews-a açıqlama verən iqtisadçı-ekspert Günay Hüseynova bildirdib ki, əhalinin rifahının yaxşılaşdırılması dövlətimiz tərəfindən hər zaman prioritet məsələ olub.
"Dünyada gedən proseslərə bağlı olaraq ərzaq və qeyri-ərzaq məhsullarındakı qiymət artımını sözün əsl mənasında hiss ediblər. Əsas səbəblərdən biri də özümüzün istehsal ölkəsi olmamağımızdır. İqtisadiyyat naziri Mikayıl Cabbarovun qeyd etdiyi kimi tərəfdaşımız olan ölkələrdə inflyasiya səngiməyə başlaması ilə olub. Yəni bu %90 həmin ölkələrin uğurudur. Yəni onlarda inflyasiya enməsəydi, dolayı yolla da qiymət enməsəydi bizə yenə baha başa gələcəkdi. İqtisadiyyat nazirliyi öz öhdəlikləri, səlahiyyətləri çərçivəsində müdaxilə edə bilir qiymət artımına. Burda əsas məsələ qiymət artımı yox alıcılıq qabiliyyətidir, işgücüdür, əhalinin rifahıdır. Market, bazarlarda məhsul doludur, amma alan varmı? Meyvə tərəvəzi kilo ilə yox ədədlə alınır. 1 aylıq bazarlıq 100 manata başa gəlirdisə indi 200 manata çətinliklə. Burda problemin həlli yolu köklü islahatdır. Tək iqtisadiyyat nazirliyi ilə iş düzəlmir. Bu elə bir prosesdirki qarşılıqlı iş olmalıdır. Yuxarda qeyd etdim market bazar doludur alan yoxdur. Niyə? Cibdə pul yoxdur, ya maaş azdır. Əmək və əhalinin Sosial Müdafiə nazirliyi, Maliyyə Nazirliyi bu problemi həll etməlidir. Uşaq pulu olmalıdır, yaxşı sosial yardım olmalıdır, yaxşı əmək haqqı olmalıdır. Digər yandan Mərkəzi Bank burda pul siyasətini həll etməlidir, nominal dəyəri nə qədərdir pulun ?Məsələnin bir başqa tərəfi Kənd təsərrüfatıdır. Bütöv Azərbaycan başqa ölkələrin bir şəhəri qədərdir. Niyə özünü yerli istehsalla təmin etmir? Yəni inflyasiya düşdü qiymət endi ilə məsələ bitmir bunun görünməyən tərəfləri də var. Ölkə inkişaf etməkdə olan ölkə statusundan çıxıb İnkişaf Etmiş Ölkə Statusuna daxil olmalıdır".
Oğuz
