“Ermənistan bütün ölkələrlə balanslı siyasət aparmalıdır çünki böyük risk altındadır”.
Bu sözləri gürcü politoloq, köhnə Gürcüstan baş nazirinin müşaviri Gia Xuxaşvili Ednews-a müsahibəsində deyib.
Sözügedən müsahibəni təqdim edirik:
-2007-2008 ci illərdə ABŞ və Aİ hazırda Ermənistanı dəstəklədiyi kimi Gürcüstanıda dəstəkləyib. Lakin bu siyasət nə Gürcüstanda olan separatizmi, nə də Rusiya təhlükəsinin qarşısını aldı. Ermənistanı da eyni ssenari gözləyə bilərmi?
-Ermənistanda Rusiya ilə münasibətlərin kəskin sürətdə korlanmasında risklər artır, lakin yenə də Gürcüstanla bağlı məsələdə paralel ssenarini demək tam da realist səslənmir. Ermənistanda separatizm təhlükəsi yoxdur, çünki ölkə praktiki olaraq monoetnikdir. Ölkənin demoqrafiyasının 99 faizini ermənilər təşkil edir.
-Gürcüstan özününün siyasi və iqtisadi müttəfiqi olan Azərbaycana qarşı Aİ ilə ABŞ-ın qərəzli mövqeyinə nə münasibət bəsləyir?
-Hesab edirəm ki, Gürcüstan Azərbaycanın ərazi bütövlüyü problemini həll etməsini alqışlayır. Düşünürəm ki, Qərb ölkələri də gələcəkdə sizin haqlı olduğunuzu etiraf edəcəklər. İndi Qərb ritorikasında eşitdiklərimiz keçicidir və sırf taktiki siyasi motivlərlə müəyyən edilir və uzunmüddətli münasibətlərin formalaşması ilə heç bir əlaqəsi yoxdur. Onlar sadəcə ümumi hüquq fazası siyasəti üzərindən məsələni dəyərləndirirlər.
-Cənubi Qafqazda münaqişələri dayandırmaq üçün Qərb ölkələrinin yoxsa region ölkələrinin təsiri böyük ola bilər?
-Ölkələrimizin qlobal dünya nizamı üçün çox vacib olan geosiyasi vahidin ayrılmaz hissəsi olduğunu başa düşmək çox vacibdir. Bu, təbii olaraq yaxşı əlaqələndirilmiş ümumi təhlükəsizlik sisteminin yaradılması ehtiyacını müəyyən edir. Hazırda isə Qərb ölkələri Gürcüstan üçün bütün demokratik və ərazi suverenliyi məsələlərini dəstəkləyir. Prosesləri nəzərə alsaq, Avropa İttifaqı və ABŞ Gürcüstana daha yaxındır.
- Necə düşünürsüz, Rusiya Ermənistan üçün təhlükədir?
-Rusiya təhlükəsinə gəlincə, mən düşünmürəm ki, Ermənistan inkişaf vektorunun dəyişməsini imitasiya etsə də, Rusiya qanadını tərk etmək istəyəcək. Lakin bunu edə bilmiyəcək. Ermənistan üçün ən yaxşı metod paralel və balanslı siyasət aparmaqdır.
-Gürcüstanın iqtisadiyyatında Azərbaycanın təsirini necə qiymətləndirmək olar?
-Azərbaycanla Gürcüstan arasında qarşılıqlı faydalı əməkdaşlıq münasibətləri mövcuddur və ölkələrimizin bu əlaqələri əsl regional əməkdaşlıq nümunəsidir. İki dövlət bütün sahələr üzrə əməkdaşlıq edir və Enerji təhlükəsizliyimiz tam olmasa da, böyük bir hissəsi Azərbaycan tərəfindən təmin edilir. Hesab edirəm ki, bu, bütün suallara cavabdır.
Xəyal Ramiz
