Son günlərdə xalq arasında yeni referendum keçiriləcəyi ilə bağlı məlumatlar dolaşır.
Bəs, referendum nədir?
Referendum ümumxalq səsverməsi deməkdir. Keçirilmə səbəbindən aslı olaraq, konstitusiyanın qəbulu və yaxud ona hansısa dəyişiklik edilməsi ilə nəticələnə bilər. Konstitusiyaya əsasən Azərbaycan xalqı öz hüquqları və mənafeləri ilə bağlı olan istənilən bir məsələni referendumla həll edə bilər. Qeyd edək ki, bu seçki gizli səsvermə ilə keçirilir.
Yalnız iki hal baş verdikdə mütləq referendum keçirilə bilər:
1) konstitusiyanın qəbulu və ya ona hansısa dəyişiklik ediləndə
2) dövlət sərhədlərində dəyişiklik baş verdikdə
Əgər ölkədə hərbi və ya fövqəladə vəziyyət elan edilibsə, 3 ay ərzində referendum təyin edilə və ya keçirilə bilməz. Bununla referendum bağlı başqa vaxta təxirə salınmalıdır.
Referendum keçirilib və onun nəticələri artıq dərc olunubsa, növbəti 1 il ərzində eyni məsələ ilə bağlı referendum keçirmək olmaz. Ölkədə referendum keçirilməsini milli məclis və yaxud ölkə prezidenti təyin edə bilər. Referendum isə təyin edildikdən sonra konstitusiya məhkəməsinə göndərilir və həmin məhkəmənin rəyi alınır. Qanunvericiliyə əsasən, Milli Məclis, yaxud da ölkə başçısının təyin etdiyi vaxtdan 2 aydan tez və 4 aydan gec olmayaraq referendum keçirilir. Burada əsas məqsəd qəbul edilən yeni dəyişikliyə, səs vermə hüququ olan hər bir vətəndaşın öz rəyini verə bilməsidir.
Bəs referendum keçirilməsi bağlı mülahizələr nə qədər doğrudur?
Milli Məclis vəkili Fazil Mustafa referendumla bağlı təşəbbüslərin olduğunu söyləsə də, hazırda bunun nəzərdə tutulmadığını deyib:
“Hər halda bu təşəbbüs daha çox müəyyən dərəcədə islahat xarakterli təşəbbüs olmalıdır. Adətən bu cür təşəbbüslər, müraciətlər icra hakimiyyətlərindən gəlir. Hələlik belə bir izlənim yoxdur və bu son açıqlamalar da, onu göstərir ki, referendumla bağlı hansısa bir qərarın olması müşahidə olunmur”.
Əkbər Novruz