Tolerantlıq, bir birimizin fərqli mövqelərini, inanclarını və həyat tərzlərini hörmətlə qəbul etmək və anlamağımızı tələb edir. Tolerantlığın tətbiqi, sosial münasibətlər və global ictimaiyyət üçün əhəmiyyətli bir səfərdə başlanğıcdır. Son statistik məlumatlara nəzər yetirdikdə Azərbaycan Tolerantlıq səviyyəsində ilk sıralardadır. Bu nailiyyətin əldə olunmasında hansı dövlət siyasəti və tədbirləri olub?
Mövzu ilə bağlı sosioloq Üzeyir Şəfiyev Ednews-a açıqlaması zamanı bildirib ki, Azərbaycan tarix boyu multikultural bir ölkə olub.
“Həm onun coğrafi-mövqeyi ilə həm də regionda olan müxtəlif dini məzhəblərin nümayəndələri,etnos fərqliliyi və s. kimi proseslər buna təsir edib. Azərbaycanda əslində təbii bir multikultural mühit olub. Bu cür panoramda şübhəsiz ki, tolerantlıq psixologiyası formalaşıb. Ölkəmizdə insanların bir-birinə qarşı dini, etnik, irqi, sosial, dözümlü yanaşması böyük bir uğurdur. Belə reallıqdan çıxış edərək, multikulturalizm Azərbaycanda həyat tərzidir. Biz bunu yalnız müasir dövrə aid etmirik. Məsələn, biz Dədə Qorqud eposu, Nizami gəncəvi yaradıcılığına baxdıqda hər şeyi görə bilirik. Nizami hətta əsərində bilirib ki, bizdə bərabərdir hamının varı, bərabər bölərik bütün malları, bizdə artıq deyil heç kəsdən heç kəs. 12-13-cü əsrlərdə Nizaminin ictimaiyyətə bu cür əsərlər verməyi və yüksək qiymətləndirilməsidə tarixi multikultural köklərimiz olduğuna dəlalət yetirir”.
Sosioloq qeyd edib ki, Azərbaycanda tarix boyu və indidə bütün dinlərin və mədəniyyətlərin təmsilçiliyini görürük.
“Bunun nəticəsində Azərbaycanda 2008-ci ildə Bakı Prosesi adlanan fəaliyyət başladı. Hansı ki, mədəniyyətlər və dinlər arası dialoqa əsaslanan proses başladı. Daha sonra 2011-ci ildən hər iki ildən bir Azərbaycanda dünyada tolerantlığın inkişafı ilə əlaqədar beynəlxalq tədbirlər keçirir. Məsələn hazır ki, dövrdə Qərb ölkələrinin xristian klubları digər dinlərə qarşı anti-tolerantlıq nümayiş etdirir”.
Xəyal Ramiz
