Kraliça II Elizabet ölümündən iki gün öncə, sentyabrın 6-da Liz Trası Baş nazir təyin etdi. Lakin siyasətçi cəmi 45 gün hökumətə rəhbərlik edə bildi. İngiltərə hakimiyyətinin ona olan ümidləri böyük idi. Hətta Britaniya cəmiyyətində onu “Dəmir ledi” adlandıranlar da az deyildi. Ancaq xanım Tras sentyabrın 5-də Böyük Britaniyanın Baş naziri seçildikdən sonra bütün bu ümidləri doğrulda bilmədi.
Bəzi ekspertlər düşünür ki, Trasın istefa qərarının səbəbi məhz ölkədə gedən proseslərdir. Əsası isə iqtisadi böhran və büdcə israfı ilə əlaqəlidir.
AĞ Partiya Mərkəzi Aparatının sədri Kamran Məmmədlinin fikrincə isə bu xanım Trası tutduğu postu tərk etməyə vadar edən bəzi səbəblərdən biridir.
"Liz Tras 45 günlük Baş Nazir postunda olduğu zaman Krallıq dünya iqtisadi sıralamasında ilk dəfə 5-ci sıradan Hindistanın arxasına düşdü. Ölkə iqtisadiyyatında olan ciddi problemlər dahada kəskinləşdi. Onun iqtisadi siyasəti ölkədə, o cümlədən hakim Mühafizəkarlar Partiyasında narazılıqlarla qarşılandı. Bunun nəticəsi olaraq oktyabrın 14-də baş nazir cəmi 38 gün maliyyə naziri işləmiş və özünün təyin etdiyi partiyadaşı Kvazi Kvartenqi vəzifəsindən azad etdi . Oktyabrın 19-da isə Xarici İşlər Naziri S.Braverman istefa verdi. Xatırladım ki, bir müddət əvvəl S.Braverman Trası ən yüksək gəlir vergi dərəcəsini 45%-dən 40%-ə endirməmək qərarına görə açıq şəkildə tənqid etmişdi".
K. Məmmədli həmçinin qeyd edib ki, Tras 45 günlük baş nazir postunda büdcənin israfı ilə də yadda qalıb.
" Hətta "Daily Maily" nəşrində xüsusi olaraq, Trasın azarkeşi olduğu İngiltərənin “Norviç” klubunun fan-şopunda xərclənən və dövlət büdcəsinə aid olan 1841 funt-sterlinq məbləği barədə də məqalə dərc olunub. Lakin mənim fikrimcə, Liz Trasın istefaya məcbur edilməsinin səbəbi təkcə bu amillər deyil .
Böyük Britaniya dövlətinin Trası belə tez bir zamanda istefaya məcbur etməsi, heç də sıradan bir büdcə israfı və iqtisadi böhrana görə ola bilməz. Fikrimcə əsas səbəblərdən biri Trasın Britaniyadan çox ABŞ maraqlarını güdməsidir. Çünki onun son günlər baş nazir postunda daha çox ABŞ- ın maraqlarını üstün tutaraq bir sıra kəskin çıxışları olub.Bu xüsüsən onun Çinə qarşı sanksiyaların tətbiq edilməsi və onlardan bir sıra texnologiyaların ixracını dəyandırmaq təklif olub. Halbuki, Boris Consonun dönəmində İngiltərə Çin münasibətləri yüksək səviyyədə idi. Hətta 2021 ci ilin rəqəmlərinə görə, Çinin Britaniyadakı sərmayələri üç dəfə artmışdı".
O, Liz Trasın istefasından sonra Britaniyanın gündəmində eks Baş Nazir Boris Consonun yenidən öz postuna qayıdacağı barədə gəzən iddialar barədə də danışıb.
"Boris Conson istefa verdiyi zaman bir çox ekspertlər bunu siyasi həmlə adlandırırdı və növbəti seçkilərdə Consonun namizədliyini verərək yenidən seçiləcəyini düşünürdü . Amma bu proqnozlar özünü doğrultmadı və Liz Tras baş nazir oldu . Oxşar iddiaların 45 gün sonra yenidən gündəmə gəlməsini heç də təsadüfi hesab etmirəm. Hətta Britaniya bukmeker kontorları keçmiş baş nazir Boris Consonu hökumətə başçılıq etmək üçün favoritlərdən biri hesab edirlər".
Qeyd edək ki, Böyük Britaniyada son 4 ildə üç baş nazir, son dörd ayda isə dörd maliyyə naziri dəyişib.
Ednews.net