28 noyabr tarixində Müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyevin rəhbərlik etdiyi nümayəndə heyəti Amerika Birləşmiş Ştatlarına səfərdə olub.

Müdafiə Nazirliyinin yaydığı məlumata görə, səfər zamanı nümayəndə heyətinin ABŞ-ın hərbi rəhbərliyi və “Ştatla Tərəfdaşlıq Proqramı” çərçivəsində Oklahoma ştatında görüşlər keçirilib.

Son zamanlarda Azərbaycan və İran arasında gərginliyin artdığı bir zamanda ABŞ Dövlət Departamentinin sözçüsü Ned Prays brifinq zamanı İranın regionda və ola bilsin, ondan kənarda sabitliyi pozan təsirinə qarşı tərəfdaşlarını dəstəkləməyə davam etdirəcəklərini bildirib.

Düşünülür ki, səfər zamanı Azərbaycan ordusunun rütbəli şəxsləri ABŞ hərbi rəhbərliyi bu yöndə də söhbətlər aparıb.

Ednews-a danışan deputat Fəzail Ağamalının sözlərinə görə, bu səfər Amerika ilə Azərbaycan arasında hərbi əməkdaşlığı qurulmasının yəni mərhələsinin göstəricisidir:

“Yaxın günlərdə ABŞ-ın geniş heyyətinin səfər etməsi Amerika Azərbaycan münasibətlərinin yüksək səviyyədə olmasının ifadəsi kimi dəyərləndirilməlidir. Amerika Azərbaycan arasında ən müxtəlif istiqamətlərdə əməkdaşlıq mövcuddur və bu əməkdaşlıq getdikcə güclənir və geniş miqyas alır. Azərbaycan müstəqillik əldə etdikdən sonra, mən bildiyim qədəri ilə, ilk dəfə olaraq Azərbaycan Müdafiə Nazirliyinin yüksək səviyyəli, yüksək rütbəli generalı böyük heyətlə Amerikaya səfər etmişdi. Nəzərə alsaq ki, Kərim Vəliyev Azərbaycan Müdafiə Nazirliyinin baş qərərgah rəisidir və onun Amerika Birləşmiş Ştatlarında öz həmkarları ilə keçirmiş olduğu görüşlər, həm də kifayət qədər ABŞ-ın yüksək səlahiyyət sahibləri ilə keçirdiyi görüşlər, aparılan müzakirələr, əldə olunan razılıqlar, bütün detalları ilə bizə məlum olmasa da, mahiyyət etibarilə ciddi məqamlardan xəbər deyir”.

Millət vəkili ABŞ-ın İran Azərbaycan arasında gərginliyə verdiyi reaksiyadan da danışıb:

“Son vaxtlar İranın Azərbaycana qarşı aqressiv hərəkətləri, həddini aşan addımları və bununla paralel olaraq İranda xalqın ayağa qalxaraq molla rejiminə qarşı sərt mövqe nümayiş etdirməsi və bu rejimin dəyişilməsində olduqca kütləvi görünməsi əlbəttə Amerika ilə Azərbaycan arasında müəyyən məsələlərdə razılaşmaların əldə edilə biləcək. Bu baxımdan əlbəttə, mənə elə gəlir ki, bağlı qapılar arxasında keçirilən görüşdə bütün bu məsələlər müzakirəyə çıxarılmış, qarşılıqlı müzakirədən, fikir mübadiləsindən sonra mənə elə gəlir ki, ümumi addımların atılması üçün də razılıqlar əldə olunub. Düşünürəm ki, bu ölkə Prezidentinin həyata keçirmiş olduğu xarici siyasəti, diplomatik fəaliyyətin ciddi uğurlarından biri kimi qiymətləndirilməlidir”.

ABŞ Dövlət Departamentinin sözçüsü Ned Praysın fikirlərini şərh edən F.Ağamalı  ABŞ İsraillə bərabər İrana hərbi qüvvələr yeridilmə ehtimalın olmasından danışıb:

“Yadınıza gəlirsə, İran Azərbaycana qarşı sərhəd boyu təlim keçirəndə Amerika Birləşmiş Ştatlarının Dövlət Departamentinin sözçüsünə jurnalistin vermiş olduğu suala o, çox aydın və konkret şəkildə cavab verdi ki, biz dostumuz olan Azərbaycanı bu məsələdə tək qoymayacağıq. Bu çox ciddi mesaj idi. Dövlət departamentinin sözçüsündən bu açıqlama özünün tutumuna görə, böyük bir hadisə idi. Bundan başqa, indi İranda gedən proseslər İran molla rejimininin söykənmiş olduğu aqressiv yanaşmalarla müşayiət oluna bilər. Yəni, ölkə daxilində narazılıqlar aradan qaldırmaq üçün ona Azərbaycana hətta hücum etməsi istisna olunmur. Məsələ təxmini budur. Başqa bir tərəfdən İranın artıq oranın zənginləşməsi ilə bağlı tədqiqat işlərini davam etdiririk. Verilən məlumata görə, İran nüvə silahının hazılanmasına çox yaxındı. Buna görə də elə bil təhlükənin qarşısını almaq üçün İsrail və ABŞ-a müzakirələr aparır. Son vaxtlar Amerika Birləşmiş Ştatlarında ardıcıl İrana hücum etmək, hətta İraq variantının da olmasının mümkünlüyü mətbuata sızdırılır. Belə bir durumda Azərbaycanın İranla sərhədlərində,  yəni, Cəbrail, İmişli, Astara sərhədlərində qardaş Tükriyə ilə "qardaş yumruğu" adlı və Silahlı qüvvələrin bütün sahələrinin iştiraka cəlb olunması və qardaş Tükriyədən təkcə canlı qüvvələrin deyil, eyni zamanda F16-ların Azərbaycana gətirilməsi, dediklərimizin, hər halda sıradan bir məsələ olmadığını ortaya qoyur.

Yaxın vaxtlarda ABŞ İsraillə bərabər İrana hərbi qüvvələr yeridilməsi və ya lokal xarakter daşıyan hücumları düşünürəm ki, gözləniləndir”.

Əbülfət Baxşəli