AŞPA -da Laçın dəhlizi ilə bağlı müzakirə açmaq sülh prosesinə maneçilik yaradır. Belə ki, Avropa Şurası Parlament Assambleyasının bu ay keçiriləcək sessiyasında Laçın dəhlizində sərbəst gediş-gəlişin təhlükəsizliyi məsələsinin gündəliyə salınacağı barədə məlumat yayılıb. Bu barədə Avropa Şurasından bildirilib.
Bu barədə Ednews-a politoloq Asif Nərimanlı bildirdi ki, Azərbaycanın Qarabağa dair mövqeyi beynəlxalq müstəvidə qəbul olunsa da, erməni diasporu-lobbisi və regionda maraqlı tərəflər müxtəlif yollarla Bakıya təzyiq etməyə çalışır.
“Laçın postu bu prosesdə açardır. Çünki Laçın yoluna postun qurulması ilə Qarabağda separatizmin “nəfəsliyi” olan Laçın dəhlizini tamamilə sıradan çıxardı. Qarabağ münaqişəsinin bitdiyini hələ də qəbul etməyən qüvvələr, o cümlədən, Ermənistan və beynəlxalq erməni şəbəkəsi Laçın postunun ləğv edilməsi planlarından imtina etmirlər. Hesab edirlər ki, beynəlxalq səviyyədə bu məsələnin aktuallaığını saxlamaqla Bakının geri addım atmasına nail olacaqlar. Məsələni AŞPA-nın gündəliyinə daxil etmək istəyi də bundan qaynaqlanır. AŞPA-da anti-Azərbaycan şəbəkəsinin fəaliyyəti bilinən məsələdir. Avropa Strateji Kəşfiyyat və Təhlükəsizlik Mərkəzinin 2019-cu ildə yayımlanan araşdırması bu şəbəkənin ifşası baxımından önəmli sənəddir.
Eyni şəbəkənin üzvləri dəyişsə də, hədəfləri dəyişməyib və Ermənistan bu cür addımlarla nəticə əldə etməyə ümid edir. Lakin Laçın postu ilə bağlı məsələlərin müzakirəyə çıxarılması Azərbaycanın daxili işlərinə müdaxilə deməkdir və belə cəhdlər sülh prosesini əngəlləyir”.
Oğuz
