“Azərbaycan üçün müstəqillik qazanmaq o qədər də, asan olmadı. 1988-ci ilin fevralından 3 ilə yaxın vaxt keçdi ki, ölkə öz müstəqilliyini qazandı”.

Bu sözləri Ednews-a danışan Cümşüd Nuriyev deyib. O, qeyd edib ki, Azərbaycan xalqı 18 oktyabrda tarix yazmadı, tarix yaratdı.

“Birinci dəfə 1991-ci ilin mart ayının 5-də SSRİ-nin saxlanılması ilə bağlı referenduma səs verəndə 43 deputat idi və onlar Azərbaycanın müstəqilliyin səs verdilər. Azərbaycan Respublikasının Ali Sovetinin rəyasət heyətinin ən gənc üzvü idim. Orada Ekologiya Komissiyasnın sədri kimi fəaliyyt göstərirdim. Sonralar isə rəyasət heyətində 5 nəfər müstəqillik üçün səs verdi.

O vaxtlar bizə qarşı olduqca güclü təsirlər var idi. Təbii ki, bu gün xoşbəxtəm ki, Azərbaycanın müstəqilliyinə səs vermişəm. Biz tarix yazmadıq, tarix yaratdıq. Həmişə ən böyük arzum olub ki, Qarabağ işğaldan azad edilsin. Mən 3 il Xankəndidə Qarabağ Komitəsində çalışmışam. O dövrün çətinliyini görmüş biri olaraq deyə bilərəm ki, bizim qarşımızda limitlər çox idi. Buna baxmayaraq illər sonra, xoşbəxtəm ki, ərazi bütövlüyümüz bərpa edildi.

Ali Baş Komandanımızın liderliyi ilə Azərbaycan silahlı qüvvələri ölkənin bütövlüyünü bərpa etdi. Biz bu günü gördüyümüz üçün özümüzü xoşbəxt hiss etməliyik. Bütün çətinliklərə rəğmən mən razıyam ki, mən o vaxt Azərbaycanın müstəqilliyi üçün səs vermişəm”.

Fərid Axundov