Türkiyə xarici işlər naziri Hakan Fidan həm ABŞ, həm də Rusiya rəsmiləri ilə görüşlərində Azərbaycan-Ermənistan süh prosesini gündəmə gətirdi.
Həmçinin, o, Rusiyada səfərdə olarkən azərbaycanlı həmkarı Ceyhun Bayramovla danışdı. Sizcə, Türkiyənin baş diplomatının son günlərdə bu yöndə artan fəallığı nə ilə əlaqəlidir?
Mövzu ilə bağlı alman siyasi şərhçi Brendan Freyser Ednews-a danışıb. Onun fikrincə buna səbəb olaraq Ermənistan və İranda baş tutan siyasi proseslərdir:
“İranda İbrahim Rəisinin gözlənilməz şəkildə faciəli qəzası dünya siyasətinə, əsasən də Cənubi Qafqaz regionunda bir sıra dəyişikliklərə səbəb ola biləcək bir hadisədir. Nikol Paşinyan da sülh müqaviləsinə hazır olduğunu, sülh müqaviləsinin ötən ay noyabr ayına qədər imzalanacağını deyən baş nazir, hazırda bunun 1 ay ərzində baş tuta biləcəyini söyləyir. Bu da öz istiqamətində region ölkələrinin diplomatik cəhətdən aktivliyinə səbəb olur. İran prezidenti seçkiləri ilə məşğul olduğu dövrdə, meydan Türkiyənin, Rusiyanındır. Hətta Türkiyə Rusiya istiqamətində daha xoşyönümlü siyasət yeritdiyini də əlavə etsək, Ankara höküməti üçün imkanlar açılıb. Bura Ankaranın BRİCS təşkilatına maraqlı olduğunu əlavə etmək lazımdır”.
Ekspert bildirdi ki, diplomatların artan fəallığına Avropa və Uzaq Şərq-də artan geosiyasi proseslər də əlavə oluna bilər:
“Hazırda 2024-cü ilin bir növ “keçid” mərhələsindəyik. Hələ ötən ilin sonunda 2024-cü ildə dünya üçün siyasi proseslərin olduqca həlledici olacağı proqnozları hər yerdə paylaşılırdı. Bu il dünyada 70-ə yaxın ölkədə seçkilər keçirilir. Hətta onların bir qismi artıq keçirilib. Aparıcı seçkilərdən artıq biri - Avropa Parlamenti seçkiləri keçirildi və baş tutan nəticələr əsasında millətçi, ifrat – sağçı siyasi partiyalar qalib gəldi. Sözsüz ki, bu da aparıcı Avropa ölkələrinin siyasi orientasiyasında hazırki partiyalarla müqayisədə radikal şəkildə dəyişiklik deməkdir. Digər bir məqam isə Çinin son günlərdə Tayvanda hərbi cəhətdən aktivləşməsi, Rusiyanın Belarus ilə nüvə silahlarının hərbi təlimləri başlaması göstərilə bilər. Bu da mövcud dünya nizamına tamamilə əks olan hadisələrdir. ABŞ adminstrasiyasının da hazırda bu cür proseslərdə səriştəsizliyi regional dövlətlərə, diplomatik cəhətdən rahat hərəkət imkanı verir. Yekun olaraq onu rahatlıqla deyə bilərəm ki, yaxın tarixlərdə həm Qərbi, həm Uzaq Şərqi, həm də Qafqaz regionunu mühüm siyasi hadisələr gözləyir”.
Əkbər Novruz
