Ermənistan hakim partiyasının deputatı Qagik Melkonyan Rusiyanın regionda yeni müharibədə maraqlı olduğunu iddia edib.
EDnews Teleqraf-a istinadən xəbər verir ki, Ermənistanın hakim Mülki Müqavilə Partiyasından olan deputat Qagik Melkonyan Rusiyanın Ermənistanda müəyyən siyasi qüvvələrin hakimiyyətə gəlməsində maraqlı olduğunu bildirib.
Deputatın sözlərinə görə, Moskva Robert Köçəryan, Qagik Sarukyan və ya Samvel Karapetyanın hakimiyyətə gəlməsini istəyir və bu vəziyyətdə regionda yeni müharibə riski arta bilər.
Melkonyan iddia edib ki, keçmiş hakimiyyətlər dövründə Ermənistan və Azərbaycan arasında müharibə təhlükəsi yüksək olub, hazırda isə ölkəyə maraq və investisiya artmağa başlayıb.
O bildirib ki, Ermənistan artıq Rusiyanın təsirindən çıxmağa çalışır və öz yolunu müəyyənləşdirir.
Deputat həmçinin Belarus Prezidenti Aleksandr Lukaşenkonun ermənilərlə bağlı fikirlərinə də toxunaraq, Ermənistanın indi daha müstəqil siyasət yürütməyə çalışdığını deyib.
Melkonyan əlavə edib ki, Rusiya uzun illər Ermənistanı qonşu ölkələrlə qarşıdurma vəziyyətində saxlayıb.
Onun sözlərinə görə, rusiyalı erməni biznesmen Samvel Karapetyan Rusiyanın maraqlarından imtina etməyəcək, çünki əsas iqtisadi resursları həmin ölkədədir.
Hakim partiya nümayəndəsi bildirib ki, əgər Robert Köçəryan, Samvel Karapetyan və ya Qagik Sarukyan hakimiyyətə gəlsə, Rusiya Ermənistan və Azərbaycan arasında yenidən müharibə yaratmağa çalışacaq.
Melkonyan vurğulayıb ki, Ermənistan cəmiyyətinin əsas istəyi sülh və sabitliyin qorunmasıdır.
.jpg)
