“Hal-hazırda Azərbaycadan 51 ali təhsil müəssisəsi var və 187000 bakalavr və magistr tələbələri təhsil alır. Bir çox məzun universitet seçimi edərkən özəl müəssisələrdən yan keçir. Səbəbi isə mütəmadi olaraq bu müəssilərin bağlanma, diplomun tanınmamasını eşitmələridir.” 

Bu fikirləri Ednews-a açıqlamasında təhsil eksperti Kamran Əsədov bildirib. O, həmçinin qeyd edib ki, tələbə özəl universitetə rəsmi qaydada daxil olubsa gələcəkdə həmin özəl müəsisənin başına gələcək hadisədən asılı olmayaraq başqa universitetdə də təhsilinizi davam etdirə bilərsiniz.

“İkinxi bir məsələ isə özəl ali təhsil müəssiələri müasir əmək bazarına uyğun mütəxəssis yetişdirə bilmir. Amma bunu hər bir universitetə şamil etmək olmaz. Elə özəl universitetlər var ki, müasir dövrün təlabatına uyğun ixtisaslarda əməkdaşlar yetişdirə bilir. Bura marketinq, biznesin idarəsi, İT sahəsi aiddir. Bir çox universitetlər var ki, özəl olsa belə heç də dövlət universitetlərindən geri qalmırlar. Məsələn, Xəzər Universiteti, Azərbaycan Universiteti, Qərbi Kaspi Universiteti kifayət qədər gözəl dərs metodikası ilə əmək bazarına uyğun mütəxəssislər yetişdirə bilir. “

Ekspert həmçinin qeyd edib ki, bu gün ki, günümüzdə bəzi dövlət universitetlərinin verdiyi təhsil müasir tələblərə cavab vermir. 

“Hal-hazırda dünya reytinqində də özəl universitetlər verdikləri təhsillə seçilir və öndədir. Sözssüzki özəl universitetlərin olması da lazımdır”.

Kazımlı Rübabə