“Cəlilabad rayonunun yaşayış məntəqələrinin qazlaşdırması prioritet təşkil edən bölgələrdən biridir”.
Ednews xəbər verir ki, bu sözləri SOCAR “Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev “Açıq qapı” aksiyası zamanı bildirib.
“Meşə zolaqlarının qırılması “Azəriqaz” olaraq bizi də narahat edir. Cəlilabadın 120 kəndindən 53-ü qazlaşmayıb. Bu il 4 kənd, gələn il isə daha 3 kənd qazla təmin olunacaq, 8 kəndin qazlaşması isə səmərəsiz hesab olunub”.
“Azəriqaz” İstehsalat Birliyinin Qəza-çağrı xidməti şöbəsinin rəisi Xalidə Şimşək isə qeyd edib ki, Cəlilabad rayonunda qazlaşdırılma işləri ilə bağlı küçə xətlərinin çəkilməsinin icraatı 2021-ci ildən “Azəriqaz”ın icraatına verilib. Buna qədər isə icra hakimiyyətinin səlahiyyətində olub.
