Fevralın 10-da Bakının Xətai rayonu Nəsrəddin Tusi 11-B ünvanında yaşayan sakinlər redaksiyamıza şikayət ərizəsi təqdim etmişdilər. Onların etirazı ona görə idi ki, yaşadıqları binanın qarşısı acınacaqlı vəziyyət almışdı.
Sakinlərin bildirdiklərinə görə, bu ilin əvvəlində Xətai rayon İcra nümayəndələri həmin binaya baxış keçiriblər və bu ərazini abadlaşdırma qərarına gəliblər, binanın həyətini bütövlüklə qazıblar. Ancaq bərpa işləri yarımçıq dayandırılıb. Bir neçə gün işləyən fəhlələr abadlaşdırma işlərini yarmıçıq və bərbad halda qoyub gediblər.
Məsələ ilə bağlı sakinlər Xətai rayon icra hakimiyyətinə dəfələrlə müraciət etsələrdə, heç bir nəticə olmayıb.
Sakinlər Xətai İcra Hakimiyyətindən aylardı cavab gözləyiblər. Sonda məcbur olub öz maliyyələri hesabına yaşadıqları məhləni abadlaşdırmaq qərarına gəliblər.
Məsələ ilə bağlı Ednews-a Xətai Rayon İcra Hakimiyyətinin İctimai-siyasi və humanitar məsələlər şöbəsinin müdiri Pənah İmanov bildirib ki, biz 2 ay da əvvəl demişdik ki, məsələ həllini tapacaq:
“Biz nə demişiksə, o da olacaq. Xətai 300.000 əhalisi olan rayondu. Hazırda da üç yerdə abadlıq işləri aparılır. Hətta sabah birinin açılışını edəcəyik. Mərhələli şəkildə olur. Rayonumuz böyükdür. Hamısını birdən çatdıra bilmirik. Sakinlərin öz maliyyələrinə iş aparmalıları heç də doğru deyil. Bu bizim işimizdi”.
Oğuz