"BMT qətnaməsi Qərbi Saxara münaqişəsinin həllinə yeni bir təkan verdi" - Anastasiya Lavrina | Eurasia Diary - ednews.net

7 Dekabr, Şənbə


"BMT qətnaməsi Qərbi Saxara münaqişəsinin həllinə yeni bir təkan verdi" - Anastasiya Lavrina

Ekspert rəyi A- A A+
30 Aprel 2019-cu ildə, Təhlükəsizlik Şurasında 13 əleyhinə, 2 bitərəf (Rusiya Federasiyası, Cənubi Afrika) səsvermə ilə Birləşmiş Millətlər Təşkilatının Qərbi Saxarada Referendumun keçirilməsinə dair missiyasının 31 oktyabr tarixinə qədər altı ay uzadılması ilə bağlı 2468 saylı qətnamə qəbul edildi.  

Qətnamədə Polisario Cəbhəsinin Qerharat bölgəsindəki (Mərakeş və Mavritaniya sərhədi) fəaliyyəti nəticəsində atəşkəs razılaşmasının pozulması ilə bağlı narahatlıq ifadə edilir və münaqişə tərəflərini BMT Baş katibinin şəxsi nümayəndəsi ilə bağlı öhdəliklərini yerinə yetirməyə çağırır və BMT-nin köməyi ilə aparılan danışıqlara təhlükə yaradan hər hansı bir hərəkətdən yayınmağa çağırır.

Qətnamədə, həmçinin Mərakeşin "münaqişənin həlli prosesinə təkan verən ciddi və inamlı səyləri" yüksək qiymətləndirilir.

Təhlükəsizlik Şurası 2018-cı il 5-6 dekabrda və 2019-cu il martın 21-22-də keçirilmiş iki dəyirmi masa görüşlərini yüksək qiymətləndirib. O, həmçinin "Mərakeş, Polisario Cəbhəsi, Əlcəzair və Mavritaniyanı bir-biri ilə daha çox əməkdaşlıq etməyə çağırır".

2468 saylı Qətnamədə qeyd olunduğu kimi, Təhlükəsizlik Şurası "ölkənin öz müqəddəratını təyin etməsini təmin edən ədalətli, uzunmüddətli və hər iki tərəfin qəbul etdiyi siyasi həllə çatmasına yardım etmək öhdəliyini təsdiq edir". 

Siyasi analitik Anastasiya Lavrinanın fikrincə, bu tərəflər üçün əsas mesajdır.

Polisario Cəbhəsi, referendumun zəruri olduğundan danışarkən muxtariyyətin həm də bir xalqın öz müqəddəratını təyin etmək hüququ olduğunu unudur. Beləliklə, BMT Nizamnaməsi Saxara bölgəsi üçün öz müqəddəratını təyin etmək baxımdan əhəmiyyət daşıyır, lakin xalq yalnız müstəqilliyini deyil, öz siyasi statusunu da müəyyənləşdirməlidir.

Mərakeş hökuməti danışıqlar prosesində həmişə regionda təhlükəsizlik və sabitliyin formalaşmasına yardım etmək üçün digər tərəflərlə əməkdaşlıq etməyə hazır olduğunu bildirib. BMT-nin qətnamələri və münaqişənin həllinə dair planları nəzərə alaraq, Mərakeş, Saxaranın tam müstəqilliyi ilə bağlı statusu uzunmüddətli problemin həllində mühüm bir addım hesab edir.

2007-ci ildə təklif olunan Mərakeş Muxtariyyət Planı, münaqişənin ölkənin ərazi bütövlüyü çərçivəsində həlli üçün ən perspektivli siyasi həll olaraq çox diqqət və dəstək qazandı və bu regionda milli birliyin və sabitliyin təminatıdır.

Bu plana əsasən, Saxara demokratik, hüquqi, icraedici və məhkəmə orqanları vasitəsilə ölkənin iqtisadi, sosial və mədəni həyatında fəal iştirak edəcək. Bundan əlavə, bölgənin inkişafı, bərpası və gələcəkdə inteqrasiyası üçün lazım olan maliyyə imkanları ilə təmin ediləcək.

Muxtariyyət, Saxara bölgəsindəki insanlara əhəmiyyətli imtiyazlar verəcək. Bu, Şimali Afrika regionunda təhlükəsizliyin formalaşmasına və məcburi köçkünlərin və qaçqınların sayının azalmasına müsbət təsir göstərəcək. Nəhayət, bu regionda yaşayan bütün insanların qarşılıqlı əlaqələri və inteqrasiyasını təmin edəcək, bu da sabitliyin yaranmasına müsbət təsir edəcək ", - Lavrina qeyd edib.

Polisario Cəbhəsi ilə Mərakeş Krallığı arasındakı Saxara münaqişəsi müasir dünyanın ən uzunmüddətli münaqişələrindəndir. Keçmiş İspan müstəmləkəsi Şimali Afrika regionunda sabitlik və təhlükəsizlik üçün potensial təhlükə yaradan uzunsürən ərazi mübahisəsinin mövzusu oldu.

1970-ci illərdə münaqişə alovlandı və uzunsürən səylərdən sonra 1973-cü ildə Mərakeş Krallığı ilə Polisario Cəbhəsi arasında imzalanmış razılaşma atəşkəsin əldə olunmasında əhəmiyyətli rol oynadı. 1991-ci ildə atəşkəs razılaşması əldə edildikdən sonra BMT Təhlükəsizlik Şurasının mandatına əsasən, Saxarada referendumla bağlı BMT-nin sülhməramlı missiyası fəaliyyət göstərir.

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...