"Rusiya ABŞ-la kəllə-kəlləyə gəlir" - ekspert | Eurasia Diary - ednews.net

19 Sentyabr, Cümə axşamı


"Rusiya ABŞ-la kəllə-kəlləyə gəlir" - ekspert

Ekspert rəyi A- A A+
"Rusya təzədən ABŞ-a güc gəlməyə, qol vurmağa çalışır".

Bu sözləri Eurasia Diary-ə açıqlamasında politoloq, beynəlxalq münasibətlər üzrə ekspert Ramiyə Məmmədova deyib.
 
O, bildirib ki, ABŞ-ı oyundan kənarda saxlamağa çalışan Rusiya S-400 hava hücumundan müdafiə qurğularını Türkiyəyə satdıqdan sonra indi də dünya ictimaiyyətinin diqqətini ABŞ-ın F-35-lərinə qarşı istehsal edəcəyi SU-57-lərə çəkmək istəyir və bildirir ki, çox yaxında bu qırıcıları dövriyyəyə buraxacaq.
 
Politoloq onu da vurğulayıb ki, artıq əvvəlki geosiyasi və hərbi gücünü ortaya qoymağa çalışan Rusiya özünün istehsal etdiyi hərbi texnikaları ilə də dünya bazarını ələ almağa çalışır.
 
“Dünyanın ən qabaqcıl silah arsenalından daha keyfiyyətli və daha ucuz silah istehsal etdiyini deyən Rusiya bunun sadəcə iqtisadi maraqlara söykəndiyini vurğulayır. Artıq Çin belə istehlına başlanacaq SU-57 təyyarələri ilə maraqlanmağa başlayıb. Bu isə o deməkdir ki, hərbi güc baxımıdan ABŞ ilə kəllə-kəlləyə gəlməyə hazır olan Rusiya yenidən özü üçün dünyanın ikinci super gücü adını qazanmaq üçün səy göstərir. ABŞ-dan fərqli olaraq Rusiya özünün iqtisadi maraqlarını qorumaq şərti ilə istehsal etdiyi, eyni zamanda istehsal edəcəyi hərbi sursatları, SU-57 qırıcıları da daxil olmaqla başqa dövlətlərə hətta kreditlə belə sata biləcəyini qeyd edir. Və eyni zamanda həmin texnikaların yüksək səviyyədə piarını aparan Rusiya bu silahların ABŞ-ın istehsal etdiyi silahlardan hansı parametrləri ilə fərqləndiyini də xüsusi ilə vurğulayır.
 
 
S-400 lərə görə əgər Türkiyə ABŞ-ın təşkil etdiyi F-35-lərlə bağlı proqramlardan çıxarılarsa, o zaman rəsmi Ankara heç şübhəsiz SU-57-ləri almaq haqqında düşünəcək. Lakin bunu siyasi deyil, sırf iqtisadi və təhlükəsizlik aspektindən dəyərləndirmək lazımdır. Türkiyə bu təyyarələri almadan öncə onun bütün parametrlərini incələməli və ona görə qərar verməlidir. Türkiyənin bu gün NATO-nun ən güclü ordusuna sahib olduğunu düşünsək, o zaman rəsmi Ankaranın silahlanma məsələsində olduqca ehtiyatlı olmalı olduğunu da nəzərə almalıyıq. Eyni zamanda, alınan silahların NATO ordusunda istifadə edilib edilməyəcəyi də önəmlidir. Heç şübhəsiz bu silahları ABŞ qəbul etməyəcək və qarşıya bır sıra problemlər çıxacaq. Amma bir gerçəklik var ki, hər iki dövlət NATO çərçivəsində hərəkət etdikləri üçün nə ABŞ Türkiyədən, nə də Türkiyədə ABŞ-dan üz döndərən deyil. Nə qədər fikir ayrılıqları olmuş olsa belə, bu iki dövlətin bərabər addımlayacaqları bir reallıqdır və bu reallığı heç nə poza bilməz”, - deyə R.Məmmədova bildirib.

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...