PSJ-nin futbolçusu Lionel Messi yayda klubunu tərk etməyəcək.
Ednews “Relovo” nəşrinə istinadən xəbər verir ki, klub prezidenti Nasser Əl-Xələfi argentinalı hücumçunun həm də meneceri olan atası ilə görüşüb.
DŞ-2022 zamanı baş tutan görüşdə Messinin klubda daha bir mövsüm keçirməsi ilə bağlı şifahi razılıq əldə edilib.
Xəbərdə o da bildirilib ki, Messinin sabiq klubu “Barselona”ya qayıtmaq ehtimalı azdır. Çünki Kataloniya təmsilçisi ona rəsmi təklif göndərməyib.
Messinin DÇ-2022-nin qalibi olduqdan sonra PSJ ilə Çempionlar Liqasını da qazanmaq niyyətində olduğu, bunu isə "Barselona" ilə yox, Paris klubu ilə etməyin daha asan göründüyü bildirilib.
Qeyd edək ki, Messinin PSJ ilə müqaviləsi 2023-cü ilin iyununa qədərdir.
