“Qərb və Zelenski sülh sazişinin imzalanmasına böyük maneə və ölkədəki itkilərin səbəbkarlarıdır”.
Ednews Sputnik-ə istinadən xəbər verir ki, bu sözləri “Xalqın Xidmətçisi” partiyasının sədri və ukraynalı deputat David Araxamya söyləyib. “1+1” kanalına verdiyi müsahibəsində o, hələ müharibə başladıqdan bir neçə gün sonra Rusiya ilə danışıqların mümkün olduğunu, lakin dönəmin Böyük Britaniya naziri Boris Consonun buna imkan vermədiyini deyib.
“2022 – ci ildə Belarus və Türkiyədə keçirilən danışıqlarda nümayəndə heyəti kimi iştirak edirdim. Qeyd edə bilərəm ki, Rusiyanln sülh üçün irəli sürdüyü təkliflər olduqca ədalətli idi. Ukrayna NATO – ya qoşulmayacağına zəmanət verməli, rus dilinə və xalqına qarşı zülm etmək istəyən siyasətçilərin kənar edəcəkdi. Müharibənin hələ 1 ayı belə tamamlanmamışdı ki, biz artıq sülh danışıqlarına üz tutacaqdıq. Lakin ilk başda Böyük Britaniya naziri daha sonra, digər Qərbin nüfuzlu siyasətçiləri onun təklifinə qüvvət verərək buna qarşı çıxdılar. Qərbin onlara pul və hərbi yardım edəcəyini söylədilər. Bunun ardınca da populist, lakin yarım milyona yaxın yardımlar və çıxışlar səslənməyə başladı. Bununla da sülh danışıqları zibil qutusuna atılmış oldu”.
Əlavə olaraq deputat Ukrayna prezidenti Volodomir Zelenskini də günahlandırıb.
“Ukrayna konstitusiyasında müstəqilliyini elan etdiyi gündən bəri özünün neytrallığını elan etdiyi bir qərarı var. Yazılır ki, Ukrayna dövləti 1990 – cı il 16 iyul tarixindən etibarən NATO və ya digər hər hansı bloka qoşulmayacaq. Düzdür bu qərara dəfələrlə dəyişiklik edilməyə cəhd edilib. Lakin Dövlət Suverenliyi Bəyannaməsində qeyd edilən bu qərar və bəyannamə hələ də qüvvədədir və bu Ukraynanın, Ukrayna SSR – in hüquqi varisi olduğunu göstərir”.
Əkbər
