Böyük Britaniyada sığınacaq axtaranların Ruandaya göndərilməsinə mane olan hüquqi etirazları dayandırmağı hədəfləyən qanun layihəsi İcmalar Palatasında 320 səsdən, 276 leyhinə səslə qəbul edilib. Hakim Mühafizəkarlar Partiyasından olan 11 deputat qanun layihəsinin əleyhinə səs verib. Qanun layihəsi Lordlar Palatasında müzakirə olunacaq.

Ednews bbc.com-a istinadən xəbər verir ki, qanun layihəsinin Lordlar Palatasında sərt tənqid olunacağı gözlənilir və Lordlar bunu rədd edərsə, qanun layihəsi yenidən İcmalar Palatasında müzakirə olunacaq.

Britaniyanın baş naziri Rişi Sunak vəzifədə olduğu müddətdə ilk dəfə olaraq lideri olduğu Mühafizəkarlar Partiyasının böyük partiya müxalifəti ilə üzləşib.

Onlarla deputat səsvermədən əvvəl qanun layihəsinin qanuni qüvvəyə minəcəyi təqdirdə məhkəmələr tərəfindən yenidən bloklanması riskinin olduğunu əsas gətirərək, indiki formada ona qarşı çıxacaqlarını bildirmişdilər.

Sunak iddia edir ki, bəzi sığınacaq axtaranların Ruandaya deportasiyası kiçik qayıqlarla Manş boğazını keçərək Böyük Britaniyaya çatmağa çalışan immiqrantlar üçün maneə olacaq.

Təklif Britaniya hökumətinə sığınacaq axtaranların Ruandaya deportasiyası ilə bağlı insan hüquqları qanununun bəzi hissələrinə məhəl qoymamasına icazə verilməsini təklif edirdi.

Xəyal Ramiz