Sentyabrın 1 – i Azərbaycanın Qarabağ regionunda yaşayan ermənilər üçün çox mühüm hadisə kimi yadda qaldı. Qondarma rejimin rəhbəri Arayik Arutyunyan Qarabağdakı gərgin vəziyyətə tab gətirə bilməyərək həm özü, həm də separatçı “dövlət naziri” Qurgen Nersisyanı vəzifəsindən azad etdi.
Samvel Şahramanyan hazırda istefa vermiş və qeyri-legitim prezident olan Araik Arutyunyan tərəfindən böyük səlahiyyətlərə malik "dövlət naziri" təyin edilərək, de-fakto mülki rəhbər vəzifəni tutdu.
Bəs kimdir bu Şahmaryan və regiondakı mövcud gərgin proseslərə nə kimi təsir göstərə bilər?
Şahmaryanın karyera yolu onun 1999-cu ildən etibarən müxtəlif hökumət idarələrində rolları ilə yadda qalıb. O, 1999-2008-ci illərdə yerli "Milli təhlükəsizlik xidmətində" işləyib, sonradan "vergi xidmətinin əməliyyat-axtarış tədbirləri şöbəsinin rəisi" (2008-2010), "Ədliyyə nazirliyinin hüquq-mühafizə orqanlarının baş əməkdaşı" (2010-2013), "Ədliyyə nazirliyinin Xankəndi cinayət axtarışı idarəsinin rəisi" (2013-2018), "Milli təhlükəsizlik xidmətinin direktoru" (2018), "gənclər, idman və turizm naziri" (2020) və "Təhlükəsizlik şurasının katibi" (2023) kimi vəzifələri tutub. Gördüyümüz kimi CV-si dolu olan bir şəxsdir özü. Əlavə bir fakt kimi də qeyd edək ki, onun oğlu 44 günlük müharibədə ölüb.
Burada nəzər yetirməli olduğumuz məsələ Şahmaryanın, Arutyunyandan fərqli olaraq Azərbaycan Respublikası tərəfindən cinayət işinə cəlb edilməməsidir. Bu isə iki ölkə arasındakı sülh danışıqlarının daha rahat bir şəkildə keçirilməsinə şərait yaradacaq deməkdir. Sözsüz burada nəzərə almalı olduğumuz digər məsələ Arayikin kütləvi təzyiqlər nəticəsində hakimiyyətdən istefası idi. Şahmaryanın isə Ermənistan, ələxsus Paşinyan ilə münasibətləri hansı səviyyədədir bunu bilmirik. Beləliklə onu söyləyə bilərik ki, sentyabr ayı 3 il əvvəl olduğu kimi regionda daha bir sensasional proseslərlə yadda qalacaqdır.
Əkbər Şəbəndəyev
.jpeg)
