Xəbər verdiyimiz kimi ötən günlərdə Qəzza zolağına nəzarət edən HƏMAS hərəkatı İsrailə qarşı genişmiqyaslı hücum təşkil edib. Bunun ardınca İsrail ordusu “Dəmir qılınclar” adını verdiyi hərbi əməliyyata başlayıb.
İsrailin milli təhlükəsizlik naziri İtamar Ben-Qvir bütün ölkə ərazisində fövqəladə vəziyyət elan edib.
Bəs kimdir bu Həmas üzvləri?
HƏMAS 1920-ci ilin sonlarında Misirdə yaranmış sözdə islamçı bir təşkilatdır.
HƏMAS İslami Müqavimət Hərəkatını ifadə edir və ərəbcə “qeyrət” deməkdir.
Qrup iki milyondan çox insanın yaşadığı Qəzza zolağına siyasi olaraq nəzarət edir .
HƏMAS 2007-ci ildən Fələstinin Fələstin Azadlıq Təşkilatının (FAT) başçısı, prezident Mahmud Abbasa sadiq Fəth qüvvələrinə qarşı apardığı qısa müharibədən sonra Qəzza zolağında hakimiyyətdədir.
HƏMAS əksər Fələstin fraksiyaları və siyasi partiyaları kimi, İsrailin işğalçı dövlət olduğunu iddia edir. Qrupun üzvləri Fələstin ərazilərini azad etməyə çalışdıqlarını deyərək İsraili qeyri-qanuni dövlət hesab edirlər.
HƏMAS illərdir ki İsrailə qarşı bir çox hücumları öz üzərinə götürüb və buna görə də ABŞ, Avropa Birliyi və İsrail tərəfindən terror təşkilatı kimi tanınıb.
Təşkilatı kimlər dəstəkləyir?
Həmas İran, Suriya və ABŞ-ın Yaxın Şərq və İsrailə qarşı siyasətinə qarşı çıxan Livandakı Hizbullah qrupunun da daxil olduğu regional ittifaqın bir hissəsidir.
Bölgədə ikinci ən böyük silahlı qrup olan Həmas və İslami Cihad tez-tez İsrailə qarşı birləşir və Qəzzada müxtəlif silahlı qruplar arasında hərbi fəaliyyəti koordinasiya edən birgə əməliyyat otağının ən mühüm üzvləridir.
Qeyd edək ki, HƏMAS-ın münaqişə zamanı mülki əhaliyə xüsusi qəddarlıq göstərdiyi görüntülər sosial şəbəkələrdə yayılıb. Hazırda raket zərbələri nəticəsində 560 nəfər ölüb, 2900-ə yaxın adam ağır yaralanıb.
Əkbər Novruz