Xəbər verdiyimiz kimi ABŞ Dövlət Departamenti “Politico” nəşrinin “Azərbaycanın Ermənistana hücum planları haqqında” yaydığı məlumatları təkzib edib.
Xatırladaq ki, “Politico”nun Amerika versiyasında dərc olunan məqalədə qeyd olunurdu ki, amerikalı konqresmenlərlə görüşdə dövlət katibi Entoni Blinken guya Azərbaycanın yaxın həftələrdə Ermənistana hücum edə biləcəyi barədə xəbərdarlıq edib. Lakin Dövlət Departamentinin sözçüsü Metyu Miller açıqlamasında bu xəbəri təkzib edib.
Sadə dillə desək, qarşımızda nəhəng oxucu kütləsi, zahirən nüfuzlu görünən bir nəşrin “nə danışdığını bilmir” deyimi ilə necə hərəkət etdiyinə dair bir nümunə var.
Təbii ki, nəşr öz səhvini oxuculara çatdırmayıb və nə ictimai, nə də sakitcə Azərbaycandan üzr istəməyib.
“Politico - nun Ermənistan rejimini dəstəkləyən nəşri erməni ictimai fəaliyyət qruplarının yalan məlumat yaymaq və Azərbaycan hökumətinə qarşı qarayaxma kampaniyasını genişləndirmək üçün növbəti uğursuz cəhdidir”.
Bu sözləri Ednews – a açıqlamasında siyasi ekspert, Azərbaycan - ABŞ İqtisadiyyat və Təhsil Şurasının baş direktoru və təsisçisi, BAMF-ın ABŞ-dakı nümayəndəsi Piter Teys söyləyib.
O, düşünür ki, nəşr ABŞ dövlət katibi Antoni Blinkendən istifadə etməklə daha aktual Yaxın Şərq təhlükəsizlik məsələlərinə diqqət yetirməkdənsə, ermənipərəst siyasətçilərin təsiri altında olmaqda və saxta xəbərlər yaymaqda davam edir.
“Azərbaycan Prezidentinin Beynəlxalq İctimaiyyəti daim əmin etdiyi kimi; Azərbaycan hökuməti yüksək məsuliyyətli beynəlxalq aktordur və Bakının yeganə məqsədi öz suveren ərazisində tam nəzarəti həyata keçirməkdir. Bayden-Harris administrasiyası və Avropa Parlamenti Azərbaycanın son on ildə Prezident İlham Əliyevin rəhbərliyi altında əldə etdiyi geosiyasi preroqativləri diqqətlə təhlil etməlidir. Həm Vaşinqton, həm də Brüssel Bakıya qarşı siyasi ikiüzlülükdən çəkinməli və Aİ dərhal Azərbaycan hökuməti ilə daha sıx əlaqələr qurmalı və Azərbaycanın demokratik hökumətinə qarşı tətbiq olunan bütün sanksiyaları aradan qaldırmalıdır”.
Müsahibənin sonunda o, ABŞ keçmiş prezidentinin söylədiyi fikrə istinad edərək:
ABŞ-ın keçmiş prezidenti Uliss Qrant bizə vətənpərvərlik anlayışı və cəhalətin təhlükələri haqqında xatırlatmaq üçün qiymətli bir fikir əmanət qoyub:
"Milli varlığımızın mövcudluğu üzrə rəqabət, mən təxmin edirəm ki, bir tərəfdən vətənpərvərlik və zəka, digər tərəfdən isə xurafat, ambisiya və cəhalət arasında olacaq". Biz bu fikirlərə mütləq şəkildə əməl etməliyik”, - deyə qeyd edib.
Əkbər Novruz