Almaniya yenə şok proznozları ilə gündəmi zəbt edib. Bu dəfə ölkənin Xarici İşlər naziri Annalena Baerbok NATO-nun Avropanın şərqində genişlənmə siyasətinə sərt şəkildə reaksiya verib. 

“NATO yaxın gələcəkdə Ukraynanı əhatə edə biləcək qədər genişlənməyəcək və buna görə də Avropada təhlükəsizliyin gələcəyini nəzərdən keçirərkən bunu müzakirə etməyin mənası yoxdur”.

Almaniyanın “Westdeutsche Allgemeine Zeitung” qəzetinə danışan almaniyalı diplomat, Moskvaya son səfəri zamanı rusiyalı həmkarı Sergey Lavrovla Ukrayna məsələsi ilə bağlı uzun müddət mübahisə etdiyini deyib. O, Lavrovu NATO-nun genişlənməsindən danışmağın vaxt itkisi olduğuna inandırmağa çalışdığını açıqlayıb.

Qeyd edək ki, ötən ay Rusiya, ABŞ-a və NATO-ya təklif etdiyi iki müqavilə layihəsini açıqlayıb. Hər iki sənədə Avropada sabitliyin gücləndirilməsinə yönəlmiş təhlükəsizlik təminatlarının uzun bir siyahısı daxildir. Digər bir tərəfdən, Moskva Brüsseldən NATO-nun genişlənməsindən imtina etməyə və qoşunları Rusiya sərhədi yaxınlığından çıxarmağa razılıq verməsini istəyib. Buna cavab olaraq həm Vaşinqton, həm də Brüssel hərbi qoşun və raketlərini geri çəkməklə bağlı razılığa gəlməkdən məmnun olacaqlarını açıqlayıblar. Lakin sözünü tutmayan Qərb tərəfi, NATO-nun genişlənməsinə son qoymaq üçün özündə hüquqi öhdəlik daşıyan vədinə yenə xilaf çıxıb.

Qərbin bu cür addımını sanki qınamağa çalışan alman XİN naziri, NATO-nun şərqə doğru genişlənməsinin gündəmdə olmadığını deyib. Lakin nazir əlavə edib ki, beynəlxalq hüquq və ABŞ-ın rəhbərlik etdiyi blokun imzaladığı digər razılaşma sənədlərinə götə, Ukraynanın NATO üzvü olmasına heç bir hüquqi əngəl mane ola bilməz. Sadəcə, xanım Baerbok bunun baş turması üçün real şəraitin olmadığını vurğulayıb.

Almaniyalı diplomatının sözlərindən belə aydın olur ki, o, hökumətin silahlı qaşıdurmaya dəstək verməsinə tam müxalifdir. Hətta belə də demək olar ki, Almaniya NATO-nun Avropa ərazisində uzun müddət qalmasını təqdirəlayiq hesab etmir. Çünki nazir Baerbok ifadəsində NATO-nun bu kimi fəaliyyətini vaxt itkisi adlandırıb. Hər şeyə realsit yanaşmağı sevən Almaniya daha uzun müddət əzələ nümayişi göstərmənin faydasız olduğunu düşünür. Bu cür fəaliyyətlərin yerinə isə Rusiya tərəfi ilə diplomatik münasibətlərin genişləndirilməsini üstün hesab edir.

Elnur Ənvəroğlu