Geniş təxribat Ermənistan administrasiyasının, baş nazir Paşinyan və ümumi heyətin xəbəri ilə həyata keçirilib.
İkinci Qarabağ müharibəsindən sonra ötən gecə ağır məğlubiyyətə düçar olan İrəvan administrasiyası status-kvonu dəyişmək üçün bütün sərhəd boyu hücuma keçməyə cəhd etdi. Rəşadətli Azərbaycan ordusu hücumları dəf edib bədnam düşməni növbəti dəfə yerinə oturtdu.
Rusiya ilə Ukrayna arasında müharibə tam sürətlə davam edərkən, ötən gecə Azərbaycanla yeni böyük müharibə Ermənistanın Cənubi Qafqazda təxribatlara necə meyilli və bu vəziyyəti havadarları ilə birlikdə öz çıxarları naminə necə istifadə etdiyini bir daha dünyaya nümayiş etdirdi.
İlan yatar, düşmən yatmaz
İki il əvvəl 44 gün davam edən İkinci Qarabağ müharibəsində məğlub olan Ermənistan ötən gecə revanş almaq düşüncəsi ilə Azərbaycan ərazisinə daxil olub. Azərbaycan Müdafiə Nazirliyinin bəyanatına görə, gecənin qaranlığından istifadə edən Ermənistan silahlı qüvvələri sərhədyanı Daşkəsən, Kəlbəcər və Laçın rayonlarına daxil olaraq ərazilərimizi minalamağa başlayıb. Sonra mövqelərimiz düşmən tərəfindən artilleriya atəşinə məruz qalıb. Qısa müddətdə döyüş hazırlığı vəziyyətinə gətirilən Azərbaycan ordusu hücum edənlərə layiqli cavabı verməkdə gecikməyib. Əks əməliyyatda zirehli bölmələr, artilleriya batareyaları və hava-desant pilotsuz uçuş aparatlarından istifadə edilib və bu, Ermənistan qoşunlarının dəf edilməsi ilə yanaşı, onların Ermənistanla sərhəd bölgəsində yerləşən qərargahlarını da məhv edib. Hər zaman məkirli siyasət yürüdən və öz bəd əməllərindən əl çəkməyən düşmən hücumu zamanı Azərbaycan Müdafiə Nazirliyinin açıqlamasına görə 42-si hərbçi, 8-i sərhədçi olmaqla 50 əsgərimiz şəhadət şərbətini içərək şəhidlik zirvəsinə ucalıb.
Nikol Paşinyan fövqəladə iclas keçirərək Azərbaycanın Ermənistana yenidən müharibə elan etdiyini göstərməyə çalışıb. Ermənistan administrasiyası Rusiya və keçmiş sovet respublikaları tərəfindən yaradılan Kollektiv Təhlükəsizlik Müqaviləsi Təşkilatına rəsmi müraciət edərək, Ermənistanın müdafiəsi üçün əlavə qüvvələrin göndərilməsini tələb edib. Paşinyan onu da bəyan edib ki, Azərbaycanla Ermənistan arasında, demək olar ki, bütün sərhəd xəttində gecə saatlarında baş verən toqquşmalarda ilk məlumatlara görə, 49 erməni əsgəri həlak olub.
MOSKVA YENƏ DƏ MEYDANA ATILDI
Cənubi Qafqaz regionunda artan gərginlik sonrakı saatlarda Rusiyanı da hərəkətə keçirdi. Dünən səhər saat 08:00 radələrində Rusiya Xarici İşlər Nazirliyi İrəvan və Bakı ilə əlaqə saxlayıb və qarşıdurmaların qeyd-şərtsiz dayandırılmasını tələb edib. Belə ki, Moskvanın təşəbbüsü ilə saat 09:00 radələrində tərəflər arasında atəşkəs elan edilib.
GƏRGİNLİK NECƏ ALOVLANDI
Azərbaycan-Ermənistan-Rusiya liderləri İlham Əliyev, Nikol Paşinyan və Vladimir Putinin 2020-ci il noyabrın 10-da imzaladığı və 44 günlük müharibəyə son qoyan Moskva sazişindən sonra iki il əvvəl də irili-xırdalı atəşkəs pozuntuları baş verib.
Nəhayət, avqustun 25-də Laçın şəhəri üçtərəfli razılaşmaya əsasən Rusiya sülhməramlılarının nəzarəti altında Azərbaycana verilən gün erməni silahlı birləşmələri Laçın dəhlizi rayonunda Azərbaycan əsgərlərini atəşə tutub, 3 əsgər yaralanıb.
Ötən gecə baş verən toqquşmaların yeni müharibəni xatırladan başqa bir xüsusiyyəti də var: Son iki ildə sərhəd bölgəsində irili-xırdalı hücumlar erməni silahlı birləşmələri tərəfindən, əsasən də Qarabağda təşkil olunur. Ötən gecə baş verən qarşıdurma birbaşa Ermənistan ordusunun təşəbbüsü ilə baş verib. Bu isə o deməkdir ki, geniş təxribat Ermənistan administrasiyasının, baş nazir Paşinyan və ümumi heyətin xəbəri ilə həyata keçirilib.
Beləliklə, ifrat millətçi qrupların və Ermənistanda diasporu təmsil edən daşnak partiyasının təzyiqlərinə məruz qalan Paşinyan ötən gecə sülh xəttindən bir addım da geri çəkildi.
32 il ərzində Ermənistanla Qarabağ arasında quru əlaqəni təmin edən Laçın dəhlizinin təhvil verilməsi ilə Azərbaycanla Naxçıvan arasında əlaqəni təmin edəcək Zəngəzur dəhlizinin açılması üçün təzyiqlərin də rol oynadığı vurğulanır. Geniş münaqişələrdən sonra Azərbaycandan Naxçıvana quru dəhlizinin açılması məsələsi Ermənistan tərəfindən dondurulmağa çalışılır.
Elsevər Məmmədov
Araşdırmaçı jurnalist
