Səfirlik bir ölkənin başqa bir ölkədəki diplomatik nümayəndəliyidir. Səfirliklər ökələr arasında sülhü qorumaq məqsədilə fəaliyyət göstərir.
Yəni iki ölkə arasında dostluq əlaqələrini davam etdirmək üçün yaradılan səfirlikər həmin ölkələr arasında əlaqə bazası yaradır. Ümumiyyətlə, səfirlik iki ölkə arasında sülhü, dostluğu nümayiş etdirir.
Fərqli zamanlarda müxtəlif ölkələrdə yerləşən səfirliklərimizə hücumlar edilib. Xüsusilə də son 2 ildə səfirliklərimizə 5 hücum olunub. Bu xain hücumlar əsasən Vətən müharibəsində qazanılan qələbədən sonra daha da aktiv hal alıb.
2022-ci ilin sentyabr ayının 16-da Livanda yaşayan ermənilər Beyrutda Azərbaycan səfirliyinin binasının qarşısına toplanaraq səfirlik binasına hücum etməyə cəhd edib.
Fransada yaşayan ermənilər Azərbaycanın bu ölkədəki səfirliyinə basqın ediblər. Erməni vandalları səfirliyin qarşısındakı dəmir maneələri qıraraq binaya daxil olmağa çalışıblar. Lakin Fransanın hüquq-mühafizə orqanları səfirliyin binasının mühafizəsini lazımınca təşkil etməyiblər.
Rəsmi Bakı Parisdəki səfirliyimizin təhlükəsizliyinin təmin edilməməsinə etiraz olaraq, Fransaya nota verib.
Bundan əlavə, hadisə ilə əlaqədar Azərbaycan Baş Prokurorluğu tərəfindən Cinayət Məcəlləsinin 12.3, 102 (beynəlxalq müdafiədən istifadə edən şəxslərə və ya təşkilatlara hücum etmə), 12.2, 186.1 (özgənin əmlakını qəsdən məhv etmə və ya zədələmə) maddələri ilə cinayət işi başlanılıb.
Yenə həmin gün- yəni sentyabrın 18-də Gürcüstanın paytaxtı Tiflisdə də ermənilər Azərbaycan səfirliyinə qarşı təxribata cəhd ediblər. Belə ki, Tiflisdə yaşayan ermənilər Azərbaycanın Gürcüstandakı səfirliyinə doğru yürüş etmək istəyiblər. Polis yürüş iştirakçılarının qarşısını Metexi körpüsü üzərində kəsib. Əraziyə çoxlu sayda hüquq-mühafizə orqanı əməkdaşları cəlb edilib.
.jpg)
2022-ci il oktyabrın 10-dan 11-nə keçən gecə Azərbaycanın Vaşinqtondakı səfirliyinin xidməti avtomobilinə atəş açılıb.
2022-ci ilin avqustun 4-də isə Böyük Britaniyanın paytaxtı Londondakı səfirliyimizə radikal dini qrup tərəfindən hücum edilib. Onlar səfirliyin yerləşdiyi binada Azərbaycan bayrağını çıxarıb yerinə dini şüar yazılan bayraq taxıb, divarlara, pəncərələrə ərəb dilində şüar yazıb və səsləndiriblər.
Ən sonda isə İranın paytatı Tehranda yerləşən diplomatik nümayəndəlimizə edilən hücum ölkəni silkələdi. Sözdə yoldaşını axtarmaq üçün əlində “koloşnikov”la səfirliyimizə hücum edən cani önünə keçənə atəş açır. Əslində onun planı səfirlikdə çalışan hər kəsi güllələmək olub. Lakin mühafizə xidmətinin əməkdaşının cəld və soyuqqanlı hərəkəti yaşanacaqların qarşısını alıb. Hadisə zamanı mühafizə xidmətinin rəisi Orxan Əsgərov isə şəhid olub.
Aytən Yaşar
1_0.jpg)
