Ötən günlərdə İspaniyanın Rusiyadakı səfirliyi Qarabağ separatçılarını dəstəkləyən tvit paylaşıb.
Tvitdə İspaniya höküməti Qarabağda yaşayan ermənilərin azadlığı və müstəqilliyini qoruyacağını bildirib.
Bununla bağlı rəsmi Bakı Xarici İşlər Nazirliyi səviyyəsində İspaniyanın Rusiyadakı səfirliyinin təxribatçı davranışına cavab verib:
Bir ölkənin öz ərazisində separatizmlə necə mübarizə apardığını, eyni zamanda başqa ölkələrdə separatizmi dəstəklədiyini görmək qəribədir.
İspaniyanın Ermənistanın Azərbaycanın suveren ərazisində qurduğu qanunsuz separatçı rejimi təşviq etməsi qəbuledilməzdir.
Biz bu qeyri-konstruktiv yanaşmanı qəti şəkildə pisləyirik.
Daha sonra İspaniya XİN -nin paylaşdığı tvit qısa müddət ərzində silinib.
İspaniya Azərbaycan münasibətləri...
Ümumi mənada İspaniya və Azərbaycan arasında münasibətlər həmişə müsbət olub. İki ölkə arasında böyük investisiya yatırımları var. Məsələn Azərbaycan Respublikası ilə İspaniya Krallığı arasında iqdisadi sahə başda olmaqla siyasi və sosial əlaqələr mövcuddur. Hər iki ölkə Avropa Şurasının üzvüdür. Hər il İspaniyadan 23 milyon dollar dəyərində məhsul idxal edilir. İspaniyanın Repsoil şirkəti Azərbaycanda neft kəşfiyyatı ilə məşğuldur.
2018-ci il Azərbaycan arasında imzalanmış, İnvestisiyaların Təşviqi və Qarşılıqlı Mühafizəsi üzrə İkitərəfli Saziş və İkiqat Vergitutmanın Qarşısının Alınması haqqında Konvensiya tərəfdaşlıq münasibətlərini gücləndirib.
İspaniya Sovet İttifaqının dağılmasından sonra, 11 fevral 1992-ci ildən Azərbaycan Respublikası ilə diplomatik əlaqələrə malikdir.
8 iyul 1997-ci ildə Prezident Heydər Əliyev və xarici işlər naziri Həsən Həsənov Madriddə keçirilən NATO sammitində iştirak ediblər.
2003-cü ildə İspaniya ilə Azərbaycan arasında xarici ticarət 2003-cü ilin yanvar-iyun aylarında 264,3 milyon ABŞ dolları təşkil etmişdir. 241,3 milyon dollar Azərbaycandan İspaniyaya xam neft ixracından əldə edilib.
İlk dəfə olaraq 2005-ci ilin sonunda Azərbaycan Madriddə səfirlik açıb.
2018-cı ildə ispan diplomatları Bakıda Prezident Aparatının və Xarici İşlər Nazirliyinin nümayəndələri ilə görüşüblər.
Katalonlar və İspanlar...
Bütün bunlara baxmayaraq İspaniyanın ötən günlərdəki bəyanatının iki ölkə arasında olan münasibətlərin pozulması ehtimalını düşünməməsi diplomatik bir səhvdir.
Hələ ki, İspaniyanın daxilində yaşayan Katalonlara qarşı etdiyi anti-demokratik hərəkətlər və özlərinin separatçı qüvvələrlə problemlər yaşaması mözvünü daha da absurdlaşdırır. Əgər İspaniya hər hansısa bir separatçıya yardım etmək istəyirsə, birinci daxilindəki Katalonlardan başlamalıdı.
Gülməmmədov Xəyal
