“Azərbaycan uzun və dağıdıcı münaqişədən sonra qalan təhlükə - minalar mübarizə aparmaqda davam edir. Bu ölümcül qurğular gözəgörünməz düşmənə çevrilib, azad edilmiş ərazilərə qayıtmaq istəyən hər kəsi pusquda saxlayır”.
Ednews xəbər verir ki, bu fikirləri Pakistan Müsəlmanları İnstitutunun sədri Sahibzadə Sultan Əhməd Əli bildirib.
O, bu barədə təəsuratlarını ATV ilə bölüşüb.
O, qeyd edib ki, minalar həyatın normallaşmasına, bölgənin inkişafına mane olan qanlı mirasa çevrilib.
“Çətinliklərə və təhlükələrə baxmayaraq, Azərbaycan dövləti minatəmizləmə əməliyyatlarını israrla həyata keçirir, vətəndaşların təhlükəsizliyini təmin etmək üçün bütün səylərini əsirgəmir. Lakin çoxsaylı insan tələfatı və daimi qorxu mina probleminin qlobal diqqət və beynəlxalq ictimaiyyətin dəstəyini tələb etdiyini xatırladır. İnsanların öz doğma torpaqlarına qayıtmasına imkan yaratmaq üçün zərər çəkmiş ərazilərin minalardan təmizlənməsində həmrəylik və yardım lazımdır”.
Ekspert işğaldan azad olmuş ərazilərdə gördüklərindən də danışıb.
“Bütün işğaldan azad olan ərazilərdə, Füzuli beynəlxalq hava limanında oldum və deyə bilərəm ki, bu hava limanı bütün müasir standardlara uyğün ərsəyə gəlib. Azərbaycan həmçinin infrastruktur layihələri həyata keçirir. Amma bu proseslərin həyata keçirilməsinə maneə yaradan ən çox amil minalardı. Azərbaycan dövləti insanların həmin ərazilərə təhklükəsiz qayıdışını təmin etmək üçün təmizləmə işləri həyata keçirsə də, bu, uzun və çətin işdir. Təəssüf ki, bütün bu məsələlərə görə, insanlar 30 ildən çoxdur ki, doğma torpaqlarına qayıda bilmirlər”.
Nurlana Hacıyeva
