Rusiya XİN rəhbərinin müavini üçtərəfli sazişləri Azərbaycan-Ermənistan nizamlanması üçün mübahisəsiz yol xəritəsi hesab edir.

Ednews Sputnik Armeniya-ya istinadən xəbər verir ki, Rusiya Federasiyası xarici işlər nazirinin müavini Mixail Qaluzin “Rossiya24” telekanalına müsahibəsində bildirib
ki, Vaşinqton platformasının Azərbaycan-Ermənistan normallaşması ilə əlaqəsi ABŞ-ın Rusiyanı danışıqlar yolundan sıxışdırmaq cəhdləri kontekstində nəzərdən keçirilməlidir. 

“Birləşmiş Ştatlar hər yerdə eyni şeyə nail olmağa çalışır. Bir tərəfdən Rusiyanı sıxışdırıb çıxarmağa, digər tərəfdən isə Rusiyanın tərəfdaş və müttəfiqi olan müstəqil dövlətləri neokolonial üslubda özünə tabe etdirməyə və bizim işimizə müdaxilə etməyə çalışır. Biz dostlarımız və qonşularımızla tərəfdaşıq və müttəfiqlik. Əslində bu, ABŞ-ın indiyədək əsas vəzifəsi olub”, - Rusiya XİN rəhbərinin müavini vurğulayıb.

O, eyni zamanda qeyd edib ki, Rusiya heç bir halda digər dövlətlərin Azərbaycan-Ermənistan nizamlanmasına yardım göstərməsinə qarşı deyil, lakin bu, sözdə deyil, əməldə kömək olmalıdır və bu fundamental prinsiplərə uyğun olmalıdır.

“Bir daha vurğulamaq istərdim ki, Rusiya prezidenti Vladimir Putin, Azərbaycan prezidenti İlham Əliyev və Ermənistanın baş naziri Nikol Paşinyan arasında dörd birgə bəyanatla möhürlənmiş, birincisi 2020-ci il noyabrın 9-da imzalanmış üçtərəfli sazişlər yeganə saziş olaraq qalır”, - diplomat bildirib.

O, əmin edib ki, Rusiya üçtərəfli bəyanatlara tam uyğun olaraq Azərbaycan-Ermənistan münasibətlərinin normallaşdırılması məsələlərinin bütün spektrinin, o cümlədən sülh müqaviləsinin imzalanması istiqamətində irəliləyişin həllinə kömək etmək üçün səylərini davam etdirəcək.


Dəniz Pənahova