Rusiya sülhməramlıları Laçın dəhlizi ilə Qarabağ ərazisini tərk edən mülki şəxslərin olduğu nəqliyyat vasitələrinin təhlükəsizliyini təmin etməkdə davam edir.
Ednews hraparak nəşrinə istinadən xəbər verir ki, bu barədə Rusiya Federasiyasının Müdafiə Nazirliyi məlumat yayıb.
“Rusiya sülhməramlı qüvvələrinin əsgərləri ərzaq karvanlarını, o cümlədən şəxsi avtomobilləri olmayan mülki şəxslərin daşınması üçün həyata keçirilən mülki evakuasiya marşrutlarını gecə-gündüz müşayiət edirlər. Rusiya sülhməramlı qoşunlarının müşahidə məntəqələrinə lazımi içməli su, dərman və yanacaq gətirilib. Ehtiyacı olanlara humanitar yardımlar verilir”, – Rusiya Federasiyasının Müdafiə Nazirliyi bildirir.
Həmçinin qeyd olunur ki, Rusiya sülhməramlı qoşunları Qarabağın mülki əhalisinə qarşı təhlükəsizliyin təmin edilməsi və humanitar hüquq normalarının qorunması məqsədilə Bakı və Xankəndi ilə davamlı əməkdaşlıq edir.
Eyni zamanda, ermənilərin sonuncu qrupunun rusların müşayiəti ilə Qarabağı tərk etdiyi bildirilib.
Oguz
.jpeg)
