Xətai rayonu ərazisində yerləşən mağazalardan birindən 10 min manat pul vəsaiti oğurlanıb.
EDnews xəbər verir ki, bu barədə Daxili İşlər Nazirliyindən məlumat verilib.
Polis əməkdaşlarının keçirdikləri tədbirlər nəticəsində oğurluq əməlini törətməkdə şübhəli bilinən şəxs müəyyən edilərək saxlanılıb.
Məlumata görə, saxlanılan şəxs həmin mağazada çalışan, əvvəllər məhkum olunmuş 32 yaşlı N.Qasımovdur.
Faktla bağlı cinayət işi başlanılıb.
Araşdırmalar davam etdirilir.
