Sumqayıtda dənizdə boğulma təhlükəsi ilə üzləşən şəxs xəstəxanaya yerləşdirilib.
EDnews-un TƏBİB-ə ünvanladığı sorğuya cavab olaraq bildirilib ki, hadisə 3 iyul 2026-cı il tarixində saat 15:40 radələrində qeydə alınıb.
Məlumata görə, 2004-cü il təvəllüdlü kişi Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub.
Dənizdə boğulma təhlükəsi diaqnozu qoyulan pasiyentə zəruri tibbi xidmətlər göstərilib.
Hazırda onun müalicəsi davam etdirilir, vəziyyəti stabildir.
17:13
Sumqayıt şəhəri, Corat qəsəbəsində ən yaxın xilasetmə məntəqəsindən 900 metr aralı, dənizdə nəzarətsiz ərazidə 2 nəfər batıb.
Bu barədə EDnews-a Fövqəladə Hallar Nazirliyindən məlumat verilib.
Bildirilib ki, dalğıc-xilasedicilər tərəfindən həyata keçirilən xilasetmə əməliyyatı nəticəsində 2004-cü il təvəllüdlü Yarıyev Murad Azad oğlu xilas edilib, 1 nəfərin isə meyiti (qadın cinsli) suda tapılıb çıxarılaraq aidiyyəti üzrə təhvil verilib.
