Kitabların insan həyatında rolu əvəzolunmazdır. Zəngin və rəngarəng mövzuları əhatə edən kitablar bizi maarrifləndirməklə yanaşı, həm də əyləndirərək vaxtımızı daha səmərəli keçirməyə imkan yaradır.
Ednews sizinlə oxumaqdan zövq alacağınız kitabların siyahısını və onlar haqqında qısa məlumatı bölüşür.
1. 1984 – Corc Oruell
1984, azad iradənin və sevginin qadağan edildiyi distopik, totalitar dünyanın futuristik hesab olunan hekayəsindən bəhs edir. Baxmayaraq ki, 1984-cü il çoxdan keçib, qorxu və yalanların tüğyan etdiyi cəmiyyətin peyğəmbərliyi indi həmişəkindən daha aktualdır.
2. Kitab Oğrusu – Markus Zusak
Kitab Oğrusu, nasist zülmü dövründə cəsarət, ümid və dostluğun hekayəsidir. Ölümün özü tərəfindən nəql edilən bu roman sizi bu kitabı sevərək oxumağa təşviq edəcək.
3. Çərpələng uçuran – Xalid Hüseyni
Çərpələng uçuran varlı bir oğlanla atasının xidmətçisinin oğlu arasında qadağan edilmiş dostluğun təsirli hekayəsidir. Əsər Əfqanıstandakı faciələri və dağıntıları əks etdirərək qələmə alınıb.
4. Səhra çiçəyi – Varis Dirie
Beş yaşında qadın sünnətindən (FGM) əziyyət çəkməsinə və bunun ömür boyu sürən ağır nəticələrinə baxmayaraq,Varis Dirie məcburi nikahdan canını qurtarmaq üçün Somalinin vətəni Qalkayodan Moqadişuya üz tutur. Qohumları ilə Londona köçən Varis bir müddət McDonald's-da işləyir və təsadüfən moda nümayişlərinin fotoqrafı Terens Donovan tərəfindən kəşf edilərək supermodel kimi tanınmağa başlayır. Daha sonra o, Millerlə birlikdə öz tərcümeyi-halını yazaraq qadın sünnətinin ləğvi üzrə BMT-nin səfiri olur.
5. Ceyn Eyr – Şarlotte Bronte
Ceyn Eyrin ən çox tövsiyyə olunan kitablarındandır. O, iztirablı uşaqlığına, cinsi ayrıseçkiliyə məruz qalmış cəmiyyətdə böyüməsinə baxmayaraq, əzmlə mübarizə aparır.
6. Farenheyt 451- Rey Bredberi
Rey Bredberinin distopik dünyası Qərb cəmiyyətlərinin mediadan asılılığına işıq salır. Baş qəhrəmanın əsəs məqsədi bu cür kitabları tapmaq və yandırmaqdır.İlk olaraq o özünü mühakimə etməsə də, sonradan tamamilə fikrini dəyişir. Mövcud siyasətin və dünya hadisələrinin vəziyyətini nəzərə alsaq, bu, oxu üçün tövsiyə edilən kitablardan biridir.
7. İlahi Komediya - Dante Aligyeri
Dante bu əsəri doğma şəhəri Florensiyadan sürgün olunduğu illərdə yazıb. Ümumilikdə isə “İlahi Komediya” 3 geniş hissədən ("Cəhənnəm", "Əraf (Təmizlik)" və "Cənnət") ibarətdir. İtalyan yazıçısı Covanni Bokkaçço daha sonra əsərin adına “İlahi” sözünü əlavə edib.
8. Möhtəşəm Getsbi – Frensis Skott Fitzgerald
Fitzgeraldın bu əsəri caz dövrünün əsas romanı hesab olunur. Mövzusu ağlasığmaz ehtiras və tənəzzül olan roman bir kişinin aşiq olduğu qadının sevgisini qazanmaq uğrunda mübarizəsini əks etdirir.
9. Ağıllı İnvestor – Benjamin Qraham
Əgər siz investisiya etməyin yollarını öyrənmək istəyirsinizsə, bunu mütləq oxunmalı kitablar siyahınıza əlavə edin. Müəllif Benjamin Qraham XX əsrin ən böyük investisiya məsləhətçilərindən biri hesab olunur. “Ağıllı İnvestor”da siz Qrahamın “sərmayə dəyəri” fəlsəfəsini və dünyanın ən uğurlu investorları tərəfindən istifadə olunan uzunmüddətli strategiyaları necə inkişaf etdirəcəyinizi öyrənəcəksiniz.
10.Heyvanıstan – Corc Oruell
Bu kitabda müəllif ədalətsiz totalitarizmlə sonlanmış tiranlığa qarşı inqilab nağılını danışır. Fermadakı heyvanlar idealizm və ədalət, bərabərlik və tərəqqi dünyası yaratmaq uğrunda mübarizə aparırlar. Buna baxmayaraq, yeni rejim heyvanların həyatını hərtərəfli idarə etməyə çalışır.
Nəzrin Beydiyeva
