Böyük Britaniyada kral III Çarlzın xərçəng xəstəliyinə tutulması ilə birlikdə, hakim təbəqələrdə kadr dəyişikliyinə başlanılıb. Solçu Leyboristlər müxalifəti kral ailəsinin problemlərindən istifadə edərək monarxiya institutunun ləğvi məsələsini gündəmə gətirir.
Situasiyanın belə olduğu təqdirdə krallığın gələcəyini nə gözləyir? Monarxiya ləğv edilə bilərmi?
Ednews – un sualını cavablayan Böyük Britaniyalı siyasi ekspert Neil Uotsonun fikrincə hazırda monarxiyanın ləğvini tələb edənlərin sayı çoxdur:
“Əslində qeyd etmək istəyirəm ki, Leyboristlər Partiyası xüsusilə tam solçu partiya deyil. Ən son sorğuya görə, Leyboristlər Partiyası üzvlərinin təxminən 60 faizi monarxiyanın qorunub saxlanmasının tərəfdarıdır. Bundan əlavə, monarxiya heç bir siyasi rol oynamır. Bu funksiya seçilmiş baş nazir və parlament üzvlərinə qalır. Lakin Respublikaçılar kimi radikal qruplar monarxiyanın ləğvi üçün çağırışlar edir və Kraliçanın ölümündən sonra bu tələblər də artıb. Yaşı 18-35 arasında olan insanlar arasında 20 faiz dövlət başçısının seçilməsini istəyir. Kralın xərçəngdən əziyyət çəkdiyi, Uels şahzadəsi Ketrinin qarın nahiyəsindən aldığı xəstəlik və York hersoqu Şahzadə Endryu “Epsteyn” qalmaqalına qarışması ilə bütün kral vəzifələrini dayandırdığı bir həqiqətdir”.
Həmsöhbətimiz bildirib ki, monarxiyanın mövcudluğu ada krallığına külli miqdarda gəlir gətirir və buna görə onun ləğvi gözlənilmir:
Şahzadə Harri yalnız xərçəng diaqnozu aşkar edildikdən sonra atasının yanına qısa müddətə baş çəkmək qərarına gəldi və onun kral vəzifələrinə qayıdacağı heç bir halda dəqiq deyil. Hazırda kral ailəsinin aparıcı üzvlərinin çatışmazlığı danılmazdır. Bununla belə, monarxiyanın davam edəcəyinə şübhə yoxdur. Onlar böyük bir turist cəlb edir və hər il ölkəyə milyardlarla funt sterlinq gətirirlər. Mülki siyahıda olanların rasionallaşdırılması və kral imtiyazlarının yenidən qiymətləndirilməsi üçün vaxt ola bilər, lakin əsas kral vəzifələri üçün uzun bir nəsil xətti var. Monarxiya institutunun məhv olmaq təhlükəsi yoxdur. Kral Çarlz artıq sələflərindən daha kiçik miqyasda tacqoyma mərasimi keçirib və inanıram ki, o, müasir dövr üçün monarxiyanı yenidən formalaşdırmaq şansını alqışlayacaq. Lakin bundan əvvəl onun xərçəng xəstəliyindən sağalması lazımdır.
Əkbər Novruz
