“ABŞ və Avropa liderləri yürütdüyü səhv siyasətlərinin qurbanı olacaqlar”.
Bu fikirləri rusiyalı politoloq, siyasətçi Sergey Stankeviç Ednews-a açıqlaması zamanı bildirib.
Daha sonra o qeyd edib ki, Münhen Təhlükəsizlik Konfransının göstərdiyi kimi, Qərb koalisiyası kifayət qədər sürətlə dəyişir:
“Qərb “demokratiyanın avtokratiyalar üzərində qələbəsinin” olmadığı bir reallığı dərk etməyə hazırlaşır. Avropada və dünyada vəziyyəti normallaşdırmaq istəkləri üstünlük təşkil edir. Rusiya ilə (eləcə də İran, Çin, qismən Türkiyə və Azərbaycanla, hətta Macarıstanla) qarşıdurmanı davam etdirmək və gərginləşdirmək əzmində olan Qərb liderlərinin komandası bu ilin sonuna kimi səhnəni tərk edəcək.
İyun ayında keçiriləcək Avropa Parlamentinə seçkilər Avropada sağa sürüşməni, ardınca Cozef Borrel və Ursula von der Leyenin gedişini müşahidə edəcək.
Yeni il ərəfəsindən Britaniya Mühafizəkarları seçkilərdə uduzurlar.
ABŞ-da Cozef Bayden seçkiləri uduzmağa məhkumdur, administrasiya dəyişikliyi qaçılmazdır.
ABŞ-dakı respublikaçılar Vaşinqtonun bu regiondakı öhdəliklərini kökündən azaldaraq, Avropa və NATO ilə münasibətlərinə yenidən baxacaqlar. Kansler Şolz və prezident Makron öz ölkələrində mövqelərini itirirlər.
Qərb liderlərin strategiyalarını dəyişməsi ilə üz-üzədir. Rusiya, Çin və digər “avtokratiyalarla” qarşıdurma əvəzinə üç dünyanın - Qərbdə, Şərqdə və Cənubda (bunu daha çox geosiyasi mənada başa düşmək lazımdır) danışıqlar və qarşılıqlı uyğunlaşma erası başlayacaq”.
Politoloq vurğulayıb ki, Şərq-Qərb-Cənub xətti boyunca üç dünyanın bu böyük danışıqları çərçivəsində Ukraynadakı hərbi münaqişə həll olunacaq:
“2025-ci ilə qədər döyüş meydanında formalaşacaq reallığı nəzərə alaraq, Ukraynanın özündə də siyasi rejimin transformasiyası qaçılmazdır. Prezident Zelenski hərbi rəhbərliyi və ola bilsin ki, kabinetin tərkibini dəyişdirərək siyasi tranziti məhdudlaşdırmağa çalışır. Bununla belə, Ukrayna hərbçilərinin Kiyevi fəlakətdən əvvəl Ukraynanı müharibədən çıxara biləcək ölkədə yeganə “etibar korparasiyası” kimi siyasi səhnəyə çıxması tamamilə mümkündür. Belə çıxış yolu yalnız tarixi kompromis əsasında mümkündür.
Diplomatiya, kompromis, uyğunlaşma və normallaşma - Qafqaz, Ukrayna, Böyük Avrasiya və bütövlükdə dünya üçün gələcək üçün resept budur”.
Xəyal Ramiz
