1950-ci il iyunun 1-də BMT Baş Assambleyasının təşkilatçılığı ilə keçirilən qadınların beynəlxalq konfransında iyunun 1-ni uşaqların müdafiəsinə həsr etmək qərara alınıb. Bundan sonra həmin gün uşaqların beynəlxalq müdafiəsi günü kimi tarixə düşüb.
BMT-də uşaq hüquqlarına dair konvensiya qəbul edilib, Azərbaycan müstəqillik qazandıqdan sonra bu konvensiyaya qoşulub.
Sözügedən konvesiyaya qoşulmaq ölkəmizdə uşaq hüquqlarının təmin olunması, onların istedadının üzə çıxarılması istiqamətində silsilə tədbirlərin keçirilməsinə təkan verir.
Ednews xəbər verir ki, bu gün keçirilən silsilə tədbirlərdən biri də məhz 1 iyun uşaqların müdafiəsinə gününə həsr olunub. Azərbaycan Respublikasının Gənclər və İdman Nazirliyinin dəstəyi və təşkilatçılığı ilə 1 İyun – Uşaqların Beynəlxalq Müdafiəsi Gününə həsr olunan və 7 yaşlı uşaqlar arasında baş tutan idman yarışları da keçirilib. Keçirilən yarış Bakı şəhərinin bütün rayonları (Nəsimi, Nərimanov, Sabunçu, Qaradağ və.s) üzrə nəzərdə tutulub. Hər komandada beş qız və beş oğlan olmaqla yarış iştrakçıları qaçış, uzunluğa tullanma, atma və.s idman növlərində öz qüvvələrini sınayıblar . Yarış iştiakçılarıının hamısı Azərbaycan Respublikasının Gənclər və İdman Nazirliyi tərəfindən müxtəlif hədiyyə və mükafatlarla təltif olunublar.
Birinci, ikinci və üçüncü yerin qalibləri isə kubok, diplom və medallarla mükafatlandırılıb.
Azərbaycan Respublikası Gənclər və İdman Nazirliyinin Nəsimi rayon Gənclər və İdman idarəsinin rəis Məftun Quluzadə Enews-a açıqlamasında qeyd edib ki, Azərbaycan Respublikasının Gənclər və İdman Nazirliyi vaxtaşırı buna bənzər tədbirlərin həyata keçirilməsində iştirak edir və hər zaman öz dəstəyini göstərir:
“Bugün Uşaqların Beynəlxalq Müdafiəsi Gününə həsr olunan bu tədbirdə Nəsimi rayon idarəsi də öz fəal dəstəyini göstərir. Körpələr bizim gələcəyimizdir. Onların hər birinin uğuru bizim uğurumuzdur. Arzu edirəm ki, gələcəkdə bu körpə fidanlarımız Azərbaycanın adını daha yüksək zirvələrə qaldırsınlar. Nəsimi rayon idarəsi olaraq hər zaman gənc və istedadlı uşaqlarımızın uğurlarına dəstək olur, onların hər bir uğuruna sevinirik.”
Azərbaycan Respublikasının Gənclər və İdman Nazirliyinin dəstəyi və təşkilatçılığı ilə 1 İyun – Uşaqların Beynəlxalq Müdafiəsi Gününə həsr olunan və 7 yaşlı uşaqlar arasında baş tutan idman yarışlarının qalibləri də bəlli olub:
“Birinci yerin qalibləri Nizami rayonu üzrə Nizami komandası, ikinci yerin qalibləri Nəsimi rayonu üzrə 14 nömrəli məktəbin Zəfər komandası, üçüncü yerin qalibləri isə Nərimanov rayon məktəbinin şagirdləri olub. Hər üç komandanın qalibləri medal və diplomlarla təltif olunublar.”
Ülviyyə Şahin
.jpg)