“Azərbaycan Respublikası Minatəmizlənmə Agentliyinin (ANAMA) Potensialın gücləndirilməsi vasitəsilə Məcburi Köçkünlərin təhlükəsiz qayıdışının dəstəklənməsi” layihəsi çərçivəsində ölkədə ilk dəfə olaraq mina təmizləyən qadın komandaları yaradılacaq.
Ednews xəbər verir ki, layihə BMT-nin İnkişaf Proqramının, Avropa İttifaqının, Amerika Dövlət Departamentinin dəstəyi və ANAMA-nın koordinasiyası ilə Beynəlxalq Avrasiya Mətbuat Fondu tərəfindən həyata keçiriləcək.
- Məkan: Tərtər
- Yaş uyğunluğu: 18-36
- Təhsil: orta
- Keyfiyyətlər: Komanda ilə işləmək və xoş ünsiyyət; Tapşırıqlara ciddi yanaşmaq; Nizam-intizamlı davranış.
- İş müddəti: Həftədə 5 gün (tam ştat)
- Maaş: 1000 AZN
- Başlama tarixi: İyun 2023
- Müddət: 16 ay (uzana bilər)
- Başlanğıc tarixi: 16 iyun 2023
Digər təhsil pilləsinə sahib olan və fiziki hazırlığı yaxşı səviyyədə olan namizədlərə üstünlük veriləcək.
Qeyd: Seçilmiş xanım namizədlərə bir ay yarım (1,5 ay) təlim keçiriləcək. Təlimlər yekunlaşdıqdan sonra həm nəzəri, həm də fiziki hazırlıq üzrə seçim imtahanları olacaq. İmtahandan uğurla keçən namizdələr rəsmi əmək müqaviləsi ilə işə başlayacaqlar. Təlimdə iştirak edən hər bir iştirakçıya 300 AZN birdəfəlik müavinət veriləcək. Təlim müddətində və eləcə də, işə götürüldükdən sonra gündə 3 dəfə qidalanma və Tərtər rayonunda yaşayış yeri layihə çərçivəsində təmin ediləcək.
Maraqlı olan namizədlər +994 51 215 08 80 nömrəsi ilə əlaqə saxlaya bilərlər. Yerlər məhduddur. Layihənin icrasına 16 iyun 2023-cü il tarixində Tərtər rayonunda start veriləcək. Müraciət üçün son tarix 13 iyundur.
