Bu gün SSRİ ordusundan “Su-25” döyüş təyyarəsini qaçıran Vaqif Qurbanovun şəhidlik məqamına ucaldığı gündür.  

8 aprel 1992-ci ildə Sitalçayda MDB Hərbi Hava Qüvvələrinin bazasından Su-25 təyyarəsini qaçırmasını və həmin ilin iyul ayında Qarabağ cəbhəsində başlanan uğurlu əməliyyatlarda xidmətlərindən çoxları xəbərdardır. Vaqif Qurbanovun əzmi düşmən canına qorxu salıb onları narahat edirdi. Bu səbdən dolayıda belə bir qəhramanın həyatda olması onlar üçün böyük bir qorxu demək idi. Hadisə 1992-ci il iyunun 13-ü saat 4-5 radələrində Naxçıvanik yaxınlığında baş verib. Həmin təyyarə düşmən tərəfindən “Şilka” deyilən qurğu ilə vurulub. qəza baş verən günü hadisə yerində olan Şahidlərin deediyinə görə həmin anlar pilot Vaqif Qurbanov paraşütlə atıla bilir, lakin düşmən onu yerdən atəşlə vurur. Həmin günlər Naxçıvanikdə döyüşən tabor komandiri Asif Məhərrəmovun (Fred Asif) qardaşı Ədalət Məhərrəmov Vaqifin təyyarədən atıldığını və ermənilər tərəfindən aramsız atəşə tutularaq yerə salındığını gözləri ilə gördüyünü xatırlayır. Azərbaycan tərəfi Vaqifi düşmən əlindən almaq üçün hücuma keçsə də, artıq gec olur. Ermənilər qorxmaz igidi namərdliklə öldürdükləri üçün sevinc keçiridilər və Erməni televiziyası təyyarənin qalıqlarını dönə-dönə nümayiş etdirirdi.  Qeyd edək ki Vaqif Qurbanov müharibənin alovlandığı zamanda keçmiş sovet aviabazasından “Su-25” təyyarəsini qaçırıb.Bundan əlavə Vaqif Qurbanovun səyləri nəticəsində qarşı tərəfin xeyli sayda canlı qüvvəsini məhv etmişdir.  Bu torpaq hələ çox Vaqiflər yetişdirəcək. Düşmən tərəfi hər zaman qorxudan titrəyəyəcək. Qəhramanın ölümündən sonra 2014-cü ildə Vaqif Qurbanovun döyüş yolu, xüsusilə də onunla birlikdə aviasiya alayında xidmət edən, təyyarənin texniki Məmmədovun və aviamexanik Quliyevin köməyi ilə Su-25 markalı hərbi təyyarəni qaçırmalarından bəhs edən Mən evə qayıdıram filmi çəkilmişdir.

Kazımlı Rübabə