Bu gün “Əl-Cəzirə” Araşdırmalar Mərkəzinin direktoru Məhəmməd Əl-Muxtar Əl Xəlil və “Əl-Cəzirə” Media Şəbəkəsinin İctimai Azadlıqlar va İnsan Hüquqları Mərkəzinin direktoru Sami Əl Hacc Beynəlxalq Avrasiya Mətbuat Fondunun baş ofisini ziyarət ediblər.
Ednews xəbər verir ki, dünyanın aparıcı, qlobal media qurumlarında “Əl-Cəzirə Media Şəbəkəsi”nin nümayəndələri BAMF rəhbərliyini və kollektivini Azərbaycanda 22 iyul Mətbuat Günü münasibəti ilə təbrik edib, onlara hədiyyələr bağışlayıblar.
Görüş zamanı BAMF prezidenti Umud Mirzəyev qonaqları salamlayaraq bunları söyləyib:
“BAMF Əl-Cəzirə Media Şəbəkəsi ilə uzun illərdi əməkdaşlıq edir. Bu günkü görüşümüz Azərbaycanda 22 iyul Milli Mətbuat Günü ərəfəsində təsdüf edir. Dostlarımız, bu gün əli boş gəlməyib. Onlar Azərbaycanda keçirləcək media forumunda iştirak etməklə yanaşı uzun illər əməkdaşlıq etdiyi BAMF üçün hədiyyələr gətirib. Onlara təşəkkür edirlər. Gətirdikləri kitablar “Əl-Cəzirənin nəşrləridir. Jurnalistlərimiz üçün son dərəcə faydalı kitablardır”.
Məhəmməd Əl-Muxtar Əl Xəlil Azərbaycan olduğu üçün məmnun olduğunu bildirib:
“Umud qardaşımın qonaqpərvərliyi üçün təşəkkür edirəm. Sizin gözəl ölkənizdə olmaq, BAMF-la münasibətlərimizin, əlaqələrimizin olmağından olduqca sevincliyik”.
M.Əl-Muxtar “Əl-Cəzirə”nin Peşəkar Etik-Davranış Kodeksi qaydaları haqqında da məlumat verib. O, həmçinin təqdim edilən mükafatlarla bağlı da danışıb.
Təqdim edilən hədiyyələr arasında “Əl-Cəzirə Media Şəbəbəkəsi”nin 12 iyul 2004-cü ildə qəbul etdiyi Peşəkar Etik-Davranış Kodeksi mükafatı və media qurumunu simvolizə edən, onun şöbələrini, mərkəzlərini əks etdirən mükafat da BAMF-a təqdim edilib.
Daha sonra Sami Əl Hacc BAMF-la əməkdaşlıqdan söz açıb:
“Beynəlxalq Avrasiya Mətbuat Fondu ilə əməkdaşlıq hər iki tərəf üçün də uğurludur. Gətirdiyimiz kitablar ümid edirik ki, azərbaycanlı jurnalistlər üçün faydalı olacaq. Bu kitablar müasir media, jurnalistika, müxtəlif mövzularda yazılan araşdırmalardır”.
U.Mirzəyev qonaqlara bir daha təşəkkür edib və sonda xatirə fotoları çəkilib.
