ABŞ Venesuelanın İrandan aldığı yük təyyarəsini ələ keçirib. İran ələ keçirilməsini pisləyib və bunu “qanunsuz hərəkət” adlandırıb.

Ednews birgun.net-ə istinadən xəbər verir ki, Venesuelanın İrandan aldığı yük təyyarəsi Amerika Birləşmiş Ştatları  tərəfindən ələ keçirilib. 

İran sanksiyalara görə Venesuelaya satdığı yük təyyarəsinin ABŞ tərəfindən ələ keçirilməsini pisləyib və bunu “qanunsuz hərəkət” kimi qiymətləndirib.

İran Xarici İşlər Nazirliyinin sözçüsü Nasir Kenani verdiyi yazılı açıqlamada ABŞ-ın Venesuelanın “Emtrasur” aviaşirkətinə məxsus Boeing-747 tipli yük təyyarəsini ələ keçirməsinə münasibət bildirib.

ABŞ-ın təyyarəni ələ keçirmə hərəkətinin Birləşmiş Millətlər Təşkilatına və beynəlxalq hüquqa zidd olduğunu bildirən Kenani, İranın Venesuelanın əmlakına sahiblik və onlara girişi bərpa etmək üçün hüquqi və diplomatik səylərini və tədbirlərini şiddətlə dəstəklədiyini bildirib.

2019-cu ildə ABŞ Maliyyə Nazirliyi İranın “Mahan Air” aviaşirkətini İnqilab Keşikçiləri Ordusu ilə əlaqəsi səbəbindən sanksiya siyahısına daxil edib.

Xəyal Ramiz