Böyük Britaniya silahlı qüvvələri İngilis Kanalından keçməyə çalışan neft tankerini saxlayıb.
EDnews xəbər verir ki, bu barədə Böyük Britaniyanın Baş naziri Kir Starmer açıqlama verib.
Onun sözlərinə görə, sözügedən gəmi Rusiyaya bağlı olduğu iddia edilən “kölgə donanması”na məxsus neft tankeridir.
“Bu səhər erkən saatlarda silahlı qüvvələrimizə İngilis Kanalından keçməyə çalışan ‘kölgə donanması’na aid neft tankerini saxlamağı tapşırdım. Gəmi ələ keçirilib”, — deyə Starmer bildirib.
Baş nazir qeyd edib ki, London bu cür fəaliyyətlərə qarşı sərt mövqe nümayiş etdirməkdə davam edəcək.
.jpg)
