“Erməni lobbisi ümid edirdi ki, Bayden hakimiyyətə gəldikdən sonra 907-ci düzəlişi yenidən işə salacaq”.
Bu sözləri politoloq Asif Nərimanlı ABŞ-ın Azərbaycana birbaşa hərbi yardımını qadağan edən “Azadlığa Dəstək Akt”-na 907-ci düzəlişin dayandırılması müddətinin uzadılması ilə bağlı qərarını şərh edərkən bildirib.
Politoloq məsələ ilə bağlı Ednews - a açıqlaması zamanı bildirib ki, ABŞ Ermənistana maliyyə yardımının miqdarına da azaldıb.
“2002 - ci ildən başlayaraq ABŞ hakimiyyəti 907 - ci düzəlişi təxirə salmağa başlayıb. Bunun əsas səbəbi Azərbaycanın 2001 - ci il 11 sentyabr hadisələrindən sonra ABŞ-ın beynəlxalq terrorizmə dəstək kapmaniyasına qoşulması ilə bağlıdır. Baydenin sələfləri kimi Azərbaycanla bağlı atdığı bu addım ABŞ- ın xarici siyasətinin priotetlərindən biridir. Əlbəttə, Azərbaycan ABŞ-dan tam hərbi yardım ala bilməsə də, ən azından hər il bu düzəliş təxirə salınmaqla ölkəmizə müəyyən yardımlar edilir. ABŞ - ın Azərbaycanı proseslərdən tam kənarlaşdırmaq marağı yoxdur”.
Politoloqun fikrincə, Bayden administrasiyasının 907 - ci düzəlişin təxirə salması qərarı bu ölkədə fəaliyyət göstərən erməni lobbisində qəzəb yaradıb.
“2020 - ci ildə ABŞ-da keçirilən seçkilər ərəfəsində Co Bayden çıxışlarının birində 907-ci düzəlişin hər il təxirə salınmasını və qadağanın uzadılmasını qəbuledilməz hesab edib. Bu da öz növbəsində erməni elektoratın səsini almağa hesablanan addım kimi görünürdü. Erməni lobbisi güman edirdi ki, Bayden prezident postunu ələ aldıqdan sonra bu qərar yenidən qüvvəyə minəcək. Lakin onlar sonradan onun fərqli siyasət yeritdiyini görüb, özlərini aldanmış hesab etdilər. Məhz erməniləri də qəzəbləndirən əsas səbəb budur”.
Asif Nərimanlı, həmçinin qeyd edib ki, ABŞ Azərbaycan ərazisi - Qarabağda qondarma rejimə minatəmizləmə ilə bağlı maliyyə ayrılmasını dayandırıb. Onun sözlərinə görə, bu məsələ ABŞ-ın 2023-ci il büdcə layihəsində nəzərdə tutulmayıb.
“Bunun fonunda ABŞ tərəfindən Azərbaycana ayrılan maliyyə yardımları daha da artıb. Bu Bayden administrasiyasının bölgəyə yanaşmasında müsbət dəyişikliklərin olduğunu göstərir. Bunun iki səbəbi var; Birincisi, Azərbaycanın ABŞ ilə apardığı uğurlu diplomatik siyasət, digər səbəb isə 44 günlük müharibədən sonra regionda yaranan yeni reallıqlardır”.
Sonda Asif Nərimanlı ABŞ - ın Cənubi Qafqaz ilə bağlı son siyasi qərarlarına toxunaraq bu fikirləri bildirib;
“44 günlük Vətən müharibəsindən sonra region dövlətlərinin Cənubi Qafqazda siyasi və iqtisadi təsiri daha da güclənib, Qərbin, əsasən ABŞ-ın region üzrə təsiri isə məhdudlaşıb. Son proseslər Vaşinqtonu reallığı dəyişdirmək üçün Azərbaycan ilə münasibətlərə xüsusi önəm verməyə vadar edir. Xüsusilə Zəngəzur dəhlizi ABŞ-ın diqqətində əsas faktor kimi nəzərə alınır. Bu dəhliz Avrasiyanın nəqliyyat şəbəkəsində əsas rol oynaması ilə bərabər ABŞ - ın regionda naviqasiya imkanı kimi də görünür. Bütün bu faktorlar Azərbaycanın Amerika üçün vacib tərəfdaş olduğunu təsdiq edir”.
Qeyd edək ki, ABŞ Prezidenti Co Bayden ABŞ-ın Azərbaycana birbaşa hərbi yardımını qadağan edən Azadlığa Dəstək Aktı –na 907- ci dayandırılması müddəti ilə bağlı növbəti dəfə qərar imzalayıb.
Erməni eksperti Suren Sarkisyan öz Facebook səhifəsində yazır ki, Prezident Co Bayden 907 saylı qənamədən yan keçməsi və Bakı hərbi yardımı davam etdirməsi erməni lobbisini qəzəbləndirib.
Yunis Abdullayev
.jpg)
