İnnovasiya və Rəqəmsal İnkişaf Agentliyinin — İRİA-nın dünyanın aparıcı rəqəmsal transformasiya və İT konsaltinq şirkətlərindən olan “EPAM” ilə əməkdaşlığı çərçivəsində Azərbaycanda yeni mərkəz fəaliyyətə başlayıb.
EDnews xəbər verir ki, “EPAM Azərbaycan” MMC ölkədə informasiya texnologiyaları və süni intellekt sahəsində insan kapitalının inkişafına, gənc mütəxəssislərin beynəlxalq əmək bazarına hazırlanmasına və innovativ həllərin təşviqinə xidmət edəcək.
Yeni mərkəzdə gənclər yalnız nəzəri biliklər əldə etməklə kifayətlənməyəcək, eyni zamanda real layihələr üzərində işləmək imkanı qazanacaqlar.
Mərkəzdə iştirakçılar gündəlik iş prosesinin bir hissəsi kimi praktik təcrübə toplayacaq, beynəlxalq səviyyədə tələb olunan peşəkar bacarıqlara yiyələnəcəklər.
Bu məqsədlə mərkəzdə İRİA və “EPAM” tərəfindən birgə hazırlanmış “Karyera Mükəmməlliyi” proqramı həyata keçirilir.
Hazırda proqrama 100 nəfər qəbul edilib, 120 nəfər isə artıq işlə təmin olunub.







