"Əgər İran hökuməti Tehranın nüvə proqramı ilə bağlı Vaşinqtonla razılığa gəlməsə, ölkə çox pis nəticələrlə üzləşəcək".
EDnews xəbər verir ki, bunu ABŞ Prezidenti Donald Tramp Ağ Evdə jurnalistlərin suallarını cavablandırarkən deyib.
Dövlət başçısı konkret nəyin baş verə biləcəyini açıqlamayıb.
"Məktubda yazdım ki, siz bir qərar verməlisiniz: "Ya biz danışıb məsələni danışıqlar yolu ilə həll etməliyik, ya da İranın başına çox pis şeylər gələcək və mən bunun olmasını istəmirəm", - o, Seyid Əli Xameneiyə yazdığı məktubun məzmununa toxunaraq əlavə edib.
Tramp gərginliyi sülh yolu ilə həll etmək istədiyini vurğulayıb.
Fatimə Şükürova // EDnews
