Səudiyyə Ərəbistanının “Əl-Nəsr” klubunda çıxış edən portuqaliyalı ulduz Kriştianu Ronaldunun transfer dəyəri 10 milyon avroya düşüb.
EDnews “Transfermarkt” portalına istinadən xəbər verir ki, Kriştianu Ronaldunun bazar dəyərində əvvəlki göstərici ilə müqayisədə 2 milyon avro azalma qeydə alınıb.
Portuqaliya millisinin və “Əl-Nəsr”in digər futbolçusu Joau Feliksin qiyməti isə 3 milyon avro artaraq 28 milyon avroya çatıb.
Səudiyyə Pro Liqasının ən bahalı futbolçusu hazırda 30 milyon avro dəyərlə İtaliya millisinin hücumçusu Mateo Reteqi hesab olunur.
Meksika millisinin heyətində dünya çempionatında çıxış edəcək “Əl-Qədisiyyə”nin forvardı Julian Kinonesin transfer dəyəri isə 14 milyon avroya yüksəlib.
Səudiyyə Ərəbistanının digər klubu “Əl-Hilal”ın bir neçə tanınmış futbolçusunun qiymətində də azalma müşahidə olunub.
Teo Ernandes və Darvin Nunyesin dəyəri 20 milyon avroya, Sergey Milinkoviç-Saviçin qiyməti isə 12 milyon avroya düşüb.
Komandanın 38 yaşlı fransalı hücumçusu Kərim Benzemanın da transfer dəyəri 1 milyon avro azalaraq 5 milyon avroya enib.
Qeyd edək ki, Kriştianu Ronaldu və Joau Feliks Portuqaliya millisinin 2026-cı il dünya çempionatı üçün yekun heyətinə daxil ediliblər.
.jpg)
.png)





.jpg)