İranla müharibə fonunda ABŞ-nin neft ehtiyatlarının son 20 ilin ən aşağı səviyyəsinə düşdüyü bildirilir.
EDnews xəbər verir ki, bu barədə “Financial Times” qəzeti məlumat yayıb.
Nəşrin məlumatına görə, İranla müharibə və Yaxın Şərqdə enerji tədarükü ilə bağlı yaranan risklər ABŞ-nin neft ehtiyatlarına ciddi təsir göstərib.
Qəzet yazır ki, Donald Tramp administrasiyası enerji qiymətlərində kəskin artımın qarşısını almaq üçün strateji və kommersiya ehtiyatlarından istifadəyə üstünlük verir.
Eyni zamanda, Yaxın Şərqdən neft tədarükünün azalması digər ixracatçılar üçün əlavə imkanlar yaradıb.
ABŞ hökumətinin açıqladığı son məlumatlara əsasən, xam neft və neft məhsulları da daxil olmaqla ümumi ehtiyatlar ötən həftə 10,6 milyon barel azalıb.
Bununla da ehtiyatların həcmi 1,57 milyard barelə düşüb.
“Financial Times” qeyd edir ki, bu, 2004-cü ildən bəri qeydə alınan ən aşağı göstəricidir.
Nəşrin yazdığına görə, bazarlardakı mövcud vəziyyət enerji təhlükəsizliyi ilə bağlı narahatlıqları daha da artırıb.
.png)
.png)
