Ermənistanın regionda qarışıqlıq yaratmaqda məqsədi nədir? - Paşinyanın son açıqlaması İlqar Vəlizadənin ŞƏRHİNDƏ - ednews.net

18 Avqust, Cümə axşamı

(+994 50) 229-39-11

Ermənistanın regionda qarışıqlıq yaratmaqda məqsədi nədir? - Paşinyanın son açıqlaması İlqar Vəlizadənin ŞƏRHİNDƏ

Analitika A- A A+
Ermənistan Respublikasının Baş naziri Nikol Paşinyan virtual mətbuat konfransında Ermənistan-Azərbaycan münasibətlərinin normallaşması ətrafından gedən hazırki proseslər, o cümlədən Laçın və Zəngəzur dəhlizləri ilə bağlı açıqlamalar verib. 
 
Belə ki, Paşinyan qeyd edib ki, Laçında alternativ dəhlizin tikintisi başa çatdıqdan sonra Laçın şəhəri və onun ətrafında erməni sakinlərinin qanunsuz məskunlaşdığı qəsəbələr Azərbaycanın nəzarətinə qayadacaq. 
 
Paşinyanın bu açıqlaması bizim lehimizə müsbət ab-havanın olduğunu nümayiş etdirsə də, onun sözlərində müəyyən qaranlıq məqamlarla rastlaşmaq olar. O, qeyd edib ki, Ermənistanda Laçında hazırda tikilən alternativ marşrut yolu ilə birləşən yeni yolun tikintisi ilə bağlı işlərə hələ başlanılmayıb. 
 
Onun sözlərinə görə, indiki mərhələdə layihələndirmə prosesi gedir və Rusiya sülhməramlı kontigentinin tam nəzarətdində olan daha yaxşı yolun əldə edilməsi barədə yekun anlaşma olduğu təqdirdə ölkəsi mühüm addım atmağa hazır olacaq. 
 
Belə çıxır ki, Ermənistan hakimiyyəti digər məsələlərdə olduğu kimi öz ərazisində yolun tikintisini yubatmaqla və layihələrdən söhbət açmaqla üçtərəfli bəyanata zidd çıxaraq Laçın dəhlizi ətrafında prosesləri uzatmağa çalışır. 
 
Məsələ ilə əlaqədar Ednews - a açıqlama verən politoloq İlqar Vəlizadə Paşinyanın Laçın dəhlizi barəsində açıqlamasını bu cür şərh edib; 
 
İlqar Vəlizadə: “Zəfər paradı bütün dünyaya bir mesajdır”
“Paşinyanın bu açıqlamasında qaranlıq məqamlar  Zəngəzur dəhlizi məsələsində işlətdiyi müəmmalı fikirlərə bənzəyir. Amma son hadisələr göstərir ki, Laçın və Zəgəzur dəhlizi ilə bağlı bütün prinsiplər reallaşmağa doğru gedir. Ermənistan təkcə bu məsələdə yox, sülh sazişinin imzalanmasına dair məsələlərdə də süni manelər yaratmağa çalışır. Eyni zamanda bu ölkənin rəhbərliyi sərhədlərin delimitasiya və demarkasiya olunması prosesində fəal iştirak etmək niyyətində deyil. Hər iki tərəfdən bu məsələnin həll edilməsi üçün komissiyanın üzvləri müəyyənləşdirilib, görüşlər keçirilib, amma ortalıqda hələ də mühüm bir irəliləyiş yoxdur”. 
 
Nikol Paşinyanın regional kommunikasiyalar məsələsində hüquqi öhdəliklər ilə sözlərini əsassız hesab edən politoloq qeyd edib ki, üçtərəfli bəyanata əsasən hər iki tərəfin öhdəlik götürüb. 
 
"Noyabr bəyanatının 9 - cu maddəsinə görə, Azərbaycanın qərb bölgələri  ilə onun tərkib hissəsi hesab olunan Naxçıvan arasında Ermənistan ərazisi vasitəsi ilə kommunikasiyaların bərpa olunmalıdır. Əgər sovet dövründə tərtib olunan nəqliyyat xəritələrini nəzərdən keçirsək, hər iki dövlət arasında avtomobil və dəmir yol xətlərinin mövcud olduğunu görərik".  
 
Politoloqun sözlərinə görə, Paşinyanın bu tip açıqlamları ölkəsinin daxili auditoriyasına hesablanıb. 
 
“Əgər Ermənistanın rəhbərləri vaxtında əhalisini düzgün məlumatlandırsaydılar, vəziyyət bu qədər acınacaqlı olmazdı. Ermənistan rəhbərliyi bu cür fikirlər səsləndirməklə vətəndaşlarını aldatmağa çalışır. Amma rallıqlar öz əksini tapacaq. Üçtərəfli bəyanatda kommunikasiyaların açılması məsələləri üzrə razılıq əldə olunub, bununla bağlı şərtlər irəli sürülüb. Rusiya Xarici İşlər Naziri Serqey Lavrov da Bakıya səfəri zamanı bu məsələləri təsdiqləyən açıqlama verib. Ermənistan rəsmiləri bunu anlamalıdırlar”. 
 
İlqar Vəlizadə, həmçinin qeyd edib ki, Ermənistan tərəfi öz öhdəsinə götürdüyü məsələləri öz xoşu ilə yox, təzyiq altında həll edir. 
 
“Onsuzda Ermənistanın bütün maneləri uğursuzluğa düçar olur, nəticə etibarı ilə bütün proseslər bizim istədiyimiz kimi gedir. Sadəcə olaraq ləngimələr ilə rastlaşırıq, amma müxtəlif yolar ilə bunların hamısını aradan qaldıracağıq”. 
 
Bununla bərabər, yeni yaradılan “Azərbaycan-Türkiyə-Qazaxıstan” formatında Zəngəzur dəhlizinin əhəmiyyətindən danışan İ.Vəlizadə Qazaxıstan hökumətinin bu məsələdə Ermənistana təzyiqlər etməsinin vacibliyini də vurğulayıb. 
 
Sonda İlqar Vəlizadə Nikol Paşinyanın Azərbaycanın növbəti müharibə hazırlaşması barədə səsləndirdiyi fikirlərə də münasibət bildirib.
 
“Paşinyanın bu kimi sərsəm fikirlərinə ciddi yanaşmamalıyıq, əhəmiyyət verməməliyik. Lakin ölkəmiz hər zaman müharibəyə hazır olmalıdır. Biz görürük ki, Ermənistanda revanşist qüvvələr, eyni zamanda bəzi xarici qüvvələr bu ölkəni müharibəyə sürükləməyə çalışır. Onlar istəyirlər ki, regionda yenidən gərginlik yaransın. Bununla yanaşı, dövlət başçımız bir məsələni də diqqətə çatdıraraq bildirib ki, Ermənistanla imzalanması gözlənilən sülh sazişi şərti bir sənəd ola bilər. Bu ölkəyə o qədər də etibar eləmək mümkün deyil”.
 
Yunis Abdullayev

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...