Yəmən husiləri Qırmızı dənizdə ABŞ-ın “USS Harry S. Truman” təyyarədaşıyan gəmisinə və onu müşayiət edən döyüş gəmilərinə son 24 saat ərzində üç dəfə hücum etdiklərini bildiriblər.
“EDnews” xəbər verir ki , bu barədə husilərin nəzarətində olan “Al-Masira” telekanalı məlumat yayıb. Bildirilir ki, qruplaşma raket və pilotsuz uçan aparatlardan istifadə etməklə ABŞ-ın hərbi gəmilərinə üç hücum həyata keçirib.
“Amerikalı düşmənə qarşı əməliyyatlarımız onların bölgədəki döyüş gəmilərini hədəfə alaraq sürətləndirilmiş templə davam edəcək. İsrailin Qəzzaya qarşı müharibəsi bitənə qədər əməliyyatlarımız dayanmayacaq”, - deyə husilərin nümayəndəsi Yəhya Saria vurğulayıb.
ABŞ Hərbi Dəniz Qüvvələri hələlik bu məlumatı şərh etməyib.
Fatimə Mərdanlı // EDnews
